ရွှေနှင့်ယိုးမှား ပန်းစကား ။

အထက(၁) ကျောက်ပန်းတောင်း (28-12-2012) ဆရာကန်တော့ပွဲ ။

တအူထုံတကယ်မဆင်းကြပေမဲ့၊ အတူဆုံသူငယ်ချင်းတွေနဲ့..
အထက(၁) ကျောက်ပန်းတောင်း မှာ ခဏလေးဖြစ်ဖြစ်.. အတူတက်ရောက်ခဲ့ကြတဲ့ သူငယ်ချင်းတွေ..တို့တစ်တွေကို ပညာသင်ပေးခဲ့ကြတဲ့ ဆရာ၊ ဆရာမတွေ.. ကံမကုန်လို့ ပြန်အဆုံ..တပည့်တွေလည်း..ဆံပင်ဖြူ၊ အသွင်မတူ ဇရာဖက် အသက်တွေအရွယ်ရပေမဲ့...

ငယ်ဘ၀ကစာသင်ခန်းတွေကို
မြင်လိုက်ရတဲ့အခါ.. ငယ်ဘ၀ကို လွမ်းမိပါရဲ့..
(28-12-2012)တွင် အထက(၁) ကျောက်ပန်းတောင်း ရဲ့ (၁၈)ကြိမ်မြောက် အာစရိယ ပူဇော်ပွဲ ကျင်းပပါမည်..။)
ကျောင်းသား/သူဟောင်းများအနေဖြင့် ဦးစုံမောင်(09-2220442)၊ ဦးစန်းလွင်ဦး (09-5001163)၊ ဦးစံလင်းမောင်(09-43209378)၊ အထက(၁)ကျောက်ပန်းတောင်း (061-50583)သို့ ဆက်သွယ်လှူဒါန်းနိုင်ပါကြောင်း........ နှိုးဆော်တိုက်တွန်းအပ်ပါသည်......။

ပုပ္ပါးတောင် မြောက်ဘက်မှ မြင်ရပုံ ။

ပုပ္ပါးတောင် မြောက်ဘက်မှ မြင်ရပုံ ။ mount popa . မန္တလေးတိုင်း မြင်းခြံခရိုင်  ကျောက်ပန်းတောင်း က ပုပ္ပါးတောင်။ (((( ကိုချမ်းဟိန်းအောင် ရဲ့ facebook စာမျက်နှာမှ ကူးယူပါတယ် )))))

မုဒိတာ လူမှုကူညီရေးအသင်း - ကျောက်ပန်းတောင်း

မုဒိတာ လူမှုကူညီရေးအသင်း - ကျောက်ပန်းတောင်း ...

ချမ်းသာဆင်းရဲ မခွဲတူတူ နှလုံးလှဖြင့် သုခပေးဝေ ဒုက္ခပြေအံ့ ....

ဇာတိမြေမှာ အာစရိယ ပူဇော်ပွဲ ရှိတယ် ။

တောင်တော်ရွှေပုပ္ပါး

သီရိမင်္ဂလာ......။ အညာမြေ၏ မဏ္ဍိုင် တောင်သုံးလုံးဆိုင် ... ။
သီရိမင်္ဂလာ......။ အညာမြေ၏ မဏ္ဍိုင် တောင်သုံးလုံးဆိုင် ... ။

ထက်ကုန်းမို့မို့မှာ ကြွဖုန်းလို့ ယှဉ်ကာပြိုင် .. အင်တနီလာ ပြာပြာမှိုင်းမောက် မြခနောက်သို့ဆိုင် ..
လေးထောင်ကျော် ပေမြင့်မား..ဝင့်ကြွားပေစွ မိုးထက်သို့တိုင်..မြင်းခြံခရိုင် တခုတည်းသော
တောင်တော်ပုပ္ပါး ကဗျည်း ကျောက်စာတိုင်...။

နဂါးလေး ချောစက်က စကားဝါ တောင်တော်ပုပ္ပါးနိုင် . လှမ်းတက်ပါ့မေရယ် ပန်းခက်ကဝေတယ်.
ဘယ်သူပြိုင်လို့ လှပါတော့နိုင်..။

ရေး - မြင်းခြံ ကိုအေးကျော် ဟုသိရပါသည်။

မှတ်ချက် = သီချင်းက ဒီမှာတင် ဆုံးသလား မသိပါ။ ညတုန်းက ဆရာနေဝင်းမြင့် မော်လမြိုင်
စာပေ ဟောပြောပွဲ နားထောင်ဖြစ်တုန်း ချရေးထားတာပါ.. ဘယ်သူပြိုင်လို့ လှပါတော့နိုင် ..
စုံတော မြိုင်တော ဂနိုင်တော တွေ ဘယ်တော ဘယ်တောင်ဖြင့် ယဉ်ပြိုင်စေဦးတော့ ယှဉ်နိုင်မည့်
တောတောင် မရှိလို့ အရှိကို အရှိတိုင်း ရေးသားထားသည်ကို မှတ်သားရပါသည်။

သောကြာသားပါခင်ဗျာ

ဒီပုံပြင်ကိုရေးတာ သိသွားလို့ကတော့ ကျွန်တော် အဆဲခံရမှာ သေချာတယ်။ ဒါပေမယ့် ရေချင်တာ ကြာနေပြီ။ အဲတော့ နာမည်ပြောင်း ရေးမယ်။ သောကြာသား ပုံပြင်က ဒီက စတယ်။

အဲဒီရွာလေးက နေချင့်စဖွယ် သာယာတယ် (ဘယ်ရွာလဲ မမေးနဲ့ မပြောဘူး)။ တောင်ကျချောင်း ဘေးက ရွာတန်းရှည်လေးပေါ့။ မြသိန်းတန် တောင်ကုန်း ဆိုတာ အစိုးရ ကြိုးဝိုင်းသစ်တော အဖြစ် သတ်မှတ်ထားတာ မကြာသေးဘူး။ ယခင့် ယခင်ကဆို နွေရာသီ အလုပ်ပါးချိန် ထင်းခုတ်ချင်တိုင်းခုတ် လို့ရတယ်။ သန်းပင်၊ ဒဟတ်ပင်၊ ရှားပင်၊ ဇီးပင်၊ ဝါးပင်တွေ အိုး.. အညာဒေသ ပေါက်တဲ့ အပင် စုံလို့ပေါ့။ ကြိုးဝိုင်းသစ်တော အဖြစ် သတ်မှတ်ပီးကတည်းက မြသိန်းတန် တောင်ကုန်းမှာ ထင်းမခုတ်ရတော့ဘူး။ တောခေါင်းက ချောင်းဖမ်းတယ်။ ဒါပေမယ့် တခါတခါ ခိုးခိုး ခုတ်ကြတယ်။ သိတယ်မလား။ အဲဒီမှာ စတွေ့တာ။

တနေ့တော့ ရွာတန်းရှည် ရွာလေးက ဦးလေးကြီးတွေ ကြိုးဝိုင်းသစ်တော မှာ ထင်းခိုးခုတ်ကြတယ်။ နံနက်ကြီးစောစော ၅ နာရီလောက်တည်းက လှည်း ကိုယ်ဆီနဲ့ ထွက်လာကြပြီး လှည်းနွားများ အရိပ်ကောင်းတွင် ထားကာ ထင်းခုတ်ရန် ပြင်ကြတယ်။ မိုးလင်းတည်းက တိုးတိုး ကြိတ်ကြိတ် ခုတ်ကြ တယ်။ ကံဆိုးချင်တော့ နံနက် ၉ နာရီလောက် ကျတော့ တောခေါင်းက ဖမ်းမိသွားတယ်။ အားလုံးပေါင်း (၇) ယောက်။ ကျောက်ပန်းတောင်း-ချောက် ကားလမ်း ဘေးက သစ်ပင်မှာ “သစ်တစ်ပင်ခုတ် အချုပ်သုံးလ” တဲ့ ရေးထားတာ တွေ့ဖူးတယ်။ ထင်း ခုတ်တာ ဆိုတော့ ဘယ်လောက်ကျခံရမလဲ မသိ။ ဦးလေးကြီးများ ကြောက်ဒူး တုန်နေ၏။

ထင်းခုတ်သူ ဦးလေးကြီးများအား တောခေါင်း၏ တဲသို့ ခေါ်သွား၏။ တောခေါင်း က ဒေါသဖြင့် ပြောသည်။ “ဦးလေးကြီးတို့ ဒီတောဟာ နိုင်ငံတော် အစိုးရ ကြိုးဝိုင်းသစ်တောဖြစ်တယ်။ ထင်းမခုတ်ရဘူး ဆိုတာ မသိကြဘူးလား။ ထင်းခိုးခုတ်ရင် ထောင်ဒဏ်အထိ အပြစ်ပေးလို့ ရတယ် ဆိုတာ ဦးလေးတို့ ရွာသူကြီးက ပြောပြမထားဘူးလား” ဦးလေးကြီးများ အသံပင်မထွက် ဘာမျှ ပြန်မပြောရဲကြ။ တောခေါင်းက ဆက်ပြော၏။ ဦးလေးကြီးတို့ တစ်ယောက်ချင်း ဆီ မေးမယ်။ မဆိုင်တဲ့သူ ဝင်မပြောကြနဲ့ ဟုဆိုကာ တစ်ယောက်ဆီ စစ်မေး၏။

နံပါတ် (၁) ဦးမောင်ပု။ ကဲ.. ဦးလေး ပြော.. ဘာပင်တွေ ခုတ်သလဲ။ ဘာသားတွေ ခုတ်သလဲ။
ဟုတ်ကဲ့ ဆရာလေး ဦးလေးကို မဖမ်းပါနဲ့။
အဲ..ဗျာ.. ဆရာလေးတော့ မခေါ်ပါနဲ့။ ကျွန်တော် မေးတာ အေးဆေး ဖြေပါ။ ဆရာလေး ခေါ်ခံလိုက်ရသောကြောင် တောခေါင်းလေး အနည်းငယ် တင်းသွား၏
ဦးလေး အိမ်က ဆင်းရဲတယ်ကွဲ့။ ခိုင်းနွား ၂ ကောင်၊ နွားမက ၅ ကောင်ရှိတယ်။
ဒီမှာ ဦးလေး အဲဒါနဲ့ ကျွန်တော်မေးတာ ဘာဆိုင်သလဲ..
ဒီလို ဆရာလေး..အဲ. ရောင်လို့ ငါ့တူရဲ့.. ဦးလေး အိမ်က ရွာစည်းရိုးနဲ့ ကပ်နေတယ်။ နွေရာသီမှာ နွားသခိုးက ပူတတ်တယ်။ ဒီတော့ သခိုးရန် မပူရအောင် စည်းရိုးကာဖို့ ဆီးဆူး၊ ရှားဆူး တခက် နှစ်ခက် လာခုတ်တာပါ။ ထင်းခုတ်တာ မဟုတ်ရပါဘူး မောင်ရယ်။ ဒါ့ကြောင့် ဦးလေးကို မဖမ်းပါနဲ့လို့ တောင်းဆိုတာပါ။
အော်..ဒီလိုလား. သေချာရဲ့လား သေချာရင် ဦးလေး လှည်းကို လိုက်ပြပါ။ နောက်မှ လိုက်ကြည့်မယ်။ ကဲ နောက်တစ်ယောက်။

နံပါတ် (၂) ဦးမောင်ကို။ ဘာပင်တွေ ဘာသားတွေ ခုတ်သလဲ ပြောပါဦး ဦးမောင်ကို။
မောင်ရင်ရယ် စဉ်းစားကြည့်စမ်းပါ။ ဦးလေးမှာ အပြစ်မရှိပါဘူး။ အပြစ်ရှိတာ ဦးလေး မိန်းမပါ။ တောခေါင်းလေး မျက်လုံးပြူးသွား၏။ ဦးမောင်ကို ဆက်ပြော၏ ဒီလိုမောင်ရင် ဒီနှစ် မိုးဦးအစက မိုးနည်းနည်းခေါင်းတယ်။ ပဲနှမ်း သိပ်မကောင်းဘူး။ ကံဆိုးတယ် မြေပဲပေါ်တော့ ယာခင်းထဲမှာလဲ မြေပဲတွေ မိုးမိတယ်။ အိမ်ရောက်တော့ လဲ အခြောက်လှမ်းတာ မိုးမိပြန်တယ်။ ပွဲစားနဲ့ တွေ့တော့ ဈေးနှိမ်ခံရပြန်တယ် မောင်ရင်။ တောသူတောင်သား သနားဖို့ ကောင်းပါတယ်။
စိတ်ဝင်စားလာပီ. ဆက်ပါဦး ပုံပြင်က ဘယ်လိုလဲ..(တောခေါင်းက တင်းတင်းနဲ့ ရွဲ့ပြောလိုက်၏)
အဲဒါနဲ့ မိန်းမဖြစ်သူပေါ့ ရွာဦးကျောင်းက ကပ္ပိယကြီးဆီမှာ ဗေဒင်မေးတယ်။ ဗေဒင်အရ အိမ်မှာ ဂျိုလ်ဆိုးဝင်နေတယ်လို့ ပြောပါတယ်။ ဂျိုလ်ဆိုးတွေ ပြောက်အောင် ဘုရားကိုးဆူ ဆွမ်းကြွေးလုပ်ရမယ်။ နေ့တိုင်း နားပူ နားစာ လုပ်လွန်းလို့ ဘုရားကိုးဆူဆွမ်းကြွေး လုပ်ဖို့ ရပ်သတ်မှတ်ပြီး လိုတာလေးတွေ စုဆောင်းရင်း ဆွမ်းချက်ဖို့ ထင်းလေး လိုတာနဲ့ လာခုတ်မိတယ်။ သန်း၊ ဒဟတ်၊ ရှား နည်းနည်းလေးပါ။ ကံကလဲ အခုထိဆိုးတုန်းပါပဲ မောင်ရင်ရယ်။
အော်..အော်.. ဟုတ်ပီ။ သဘောပေါက်သွားပြီ။ ဆွမ်းချက်ဖို့ ထင်းလာခုတ်တယ် ဆိုပါတော့။ ကောင်းလိုက်တဲ့ ဖြေရှင်းချက်။ ကဲ ထားပါတော့ နောက်တစ်ယောက်။
သို့နှင့် နံပါတ် (၃) (၄) (၅) (၆) မေးမြန်း စစ်ဆေးစဉ် ရယ်ရမလို ငိုရမလို ဒေါသထွက်ရမလို နှင့် တောခေါင်းလေး ရူးချင်သွား၏။ နောက်ဆုံးတစ်ယောက်

နံပါတ် (၇) ဦးဟန်ပိုင်။ ဦးဟန်ပိုင်သည် ရိုးသား၏။ တစ်အာရုံသမား သူပြောချင်တာ ပြော၏။ ယခုမူ ကြောက်လွန်းသဖြင့် ဘာကိုမှ မတွေးနိုင်တော့။ သို့သော် အလှည့်ရောက်လာ၏။ ဟန်ပိုင် ဆိုသော နာမည်နှင့်အညီ မေးခွန်းများ ဖြေရတော့မည်ကို ဟန်နှင့် ပန်နှင့် အားမန် အပြည့်ထည့်ထား၏။ ဟန်ကိုယ့်ဖို့ ဟူဆို၏။
တောခေါင်းက မေး၏။ ကဲ..ဦးဟန်ပိုင် ဘာသားလဲ ပြောစမ်းပါဦး။
ဦးဟန်ပိုင် အသံကျယ်ကျယ်ဖြင့် အားရပါးရ “ကျွန်တော် သောကြာသားပါ ခင်ဗျာ” ဟုဖြေ၏။
ဗျာ..သောကြာသား ဟုတ်လား ပြန်ပြောပါဦး
ဟုတ်ကဲ့ ကျွန်တော် သောကြာသားပါ ဗိုလ်လေး။
တောခေါင်း နှင့်တကွ အားလုံးသော ဦးလေးကြီးများ ဝါးခနဲ ဝါးလုံးကွဲ ၇ယ်ချလိုက်လေသည်။ တောခေါင်းလေးသည် ဒေါသစိတ်ထက် ရယ်အား သန်ကာ မေးခွန်းများ ဆက်ကာ မမေးတော့ပေ။

ကဲကဲ.. ဦးလေးတို့ ဒီမှာလာ လက်မှတ်ထိုး။ နောက်တခါ မိရင် ရဲလက်အပ်မယ်။ ကျန်တဲ့ရွာသားတွေရော အနီးနားရွာတွေရော ပြောထားကြ ဟုတ်ပီလား။ ဒီ မြသိန်းတန် တောင်ကုန်းကို ကြိုးဝိုင်းသစ်တော အဖြစ် သတ်မှတ်တာ အစိုးရ အကြီးကဲတွေက က အပိုင်စီး သစ်ခုတ် ရောင်းစား ချင်လို့ မဟုတ်ဘူး။ ဦးကြီးတို့ သိတဲ့ အတိုင်း ကမ္ဘာကြီးက ပူနွေးလာတယ်။ အညာဒေသမှာ မိုးခေါင် ရေရှား ရာသီဥတုတွေ ပြောင်းလဲလာတယ်။ အဲဒီလို ပြောင်းလဲလာတဲ့ ရာသီ ဥတုကို ထိန်းသိမ်းဖို့ လိုတယ်။ ကြားဖူးကြတယ်မလား ဥတုရာသီ တောကိုမှီတဲ့
သစ်တော ဝါးတော ရှိမှ မိုးမှန်မယ် တောင်သူတွေ အလုပ်ဖြစ်မယ်။ ဝင်ငွေ ကောင်းမယ်။ အဲဒါမှ ဟိုဦးလေး ပြောသလို မိန်းမက နားပူ နစာ မလုပ်တော့ဘူးပေါ့။ သဘောပေါက်ရဲ့လား။

အားလုံးက ပေါက်ပါတယ် ဆရာလေး။ ပေါက်ပါတယ် မောင်ရင်။ ပေါက်ပါတယ် ဗိုလ်လေး။ သဘောပေါက်သွားပြီ ငါ့တူကြီး စသည်ဖြင့် တစ်ယောက် တစ်ပေါက် ပြန်ဖြေကြ၏။ တောခေါင်းလေးသည် ရာသီဥတု ပြောင်းလဲခြင်း နှင့် မည်သို့ မည်ပုံ ထိန်းသိမ်းရမည်များကို ပညာပေး ပြောဆိုကာ ပြန်လွတ်လိုက်၏။

ထိုအချိ်န်မှစ၍ သောကြာသားသည် နာမည်ကြီးလာ၏။ ဦးဟန်ပိုင်အား မြင်လျှင် အချင်းချင်း တိုးတိုး ကျိတ်ကျတ် သောကြာသားပါခင်ဗျာ ဟုတ် နောက်ကြ၏။ သောကြာသား ဟာသ ပုံပြင် အဖြစ် လူကြီး လူငယ် လက်ဆင့်ကန်းကာ ပြောဆို ဝါးခနဲ ဝါးလုံးကွဲ ရယ်ကြလေသည်။

ပန်းလက်ဆောင်

မတွေ့ရတာ ကြာပီဖြစ်တဲ့ ဘလော့ဂ်က ဘော်ဘော် တွေအတွက် ပုပ္ပါးမြေက စကားဝါပန်း လက်ဆောင်...

တောင်စဉ်ချောင်း ရှုခင်း

တောင်စဉ်ချောင်းလို့ ခေါ်ပါတယ်။ ဟိုးနောက်မှာ ပုပ္ပါးတောင်ကို ရေးရေးမြင်နေရတယ်..
နွေရာသီဆိုတော့ ရေသိပ်မရှိတော့ဘူး. သောက်ရေအတွက် အမြန်ဖေါ်လို့ရတဲ့ လက်ယက်တွင်းလေးတွေရှိတယ်။ ကြက်သွန်ခင်းတွေရှိတယ်. ရှားပင်တွေက ပတ်လည် ၀ိုင်းနေတယ်။
ဆန်းဝင်း (ကျောက်ပန်းတောင်း)

တောင်စဉ်ချောင်း

မန္တလေးတိုင်း ကျောက်ပန်းတောင်းမြို့နယ် အတွင်း ပုပ္ပါးတောင်မှစီးစင်းသော ချောင်းဖြစ်သည်။
ပုပ္ပါးတောင်တန်းများမှ အစဉ်မပြတ် စီးစင်းလာသောကြောင့် တောင်စဉ်ချောင်းဟု ခေါ်ကြသည်။
မိုးရွာသီတွင် ချောင်အထက်ပိုင်း၌ မိုးညိုလျှင် သားသမီးများအတွက် မိဘများ စိတ်ပူရသောချောင်းဖြစ်သည်။
နွေရာသီတွင် ချောင်းရေကျကာ ဘေးဘယ်ညာတွင် ကိုင်းလုပ်ငန်းကို လုပ်ကိုင်နိုင်သော ချောင်းဖြစ်သည်။
ငါးသလဲထိုး၊ ငါးလူးပေါက်၊ ငါးရံ့၊ ငါးခူ၊ ငါးပြေမ၊ ရေပေါ်ငါး၊ ခဏန်းလက်မ၊ ငါးရှဥ့်ပေါသော ချောင်းဖြစ်သည်။
ငယ်စဉ်က ကျောင်းဆင်းလျှင် လွယ်အိတ်ပစ်ချကာ ငါးဖမ်းထွက်ခဲ့သော ချောင်းဖြစ်သည်။
တောင်စဉ်ချောင်းသည် ရှားပင်လှရွာ၊ ပေါက်ပင်စွန်းရွာ၊ ချောင်းခြားရွာ၊ အောင်ပဒေသာရွာ၊ လက်ပန်ကျင်းရွာ၊ ညောင်ပင်သာရွာ စသည် အစဉ်လိုက် စိးဆင်းကာ ပင်းချောင်းထဲသို့ စီးဝင်သွားသည်။

ဆန်းဝင်း (ကျောက်ပန်းတောင်း)

လက်ပန်ကျင်း စာကြည့်တိုက်

အားလုံးမင်္ဂလာပါခင်ဗျာ.....
ကျွန်တော်တို့ လက်ပန်ကျင်း (တောင်ရွာ၊ အလယ်ရွာ၊ ညောင်ရွာ၊ သီးကုန်း) အခြေခံပညာ အလယ်တန်းကျောင်း သို့ ရန်ကုန်မြို့ရောက် ဦးချစ်ရွှေ မိသားစုမှ စာကြည့်တိုက် ဆောက်လုပ်လှူဒါန်းမည်ဟုသိရပါသည်။
(ယခင်က သီးသန့် စာကြည့်တိုက် အဆောင်မရှိသေး)။

သင်္ကြန်မတိုင်ခင်က စတင်ဆောက်လုပ်ခြင်းဖြစ်သောကြောင့် ယခုကျွန်တော် စာရေးနေချိန်တွင် စာကြည့်တိုက်ဆောက်လုပ်နေမှုမှာ ပြီးဆီးနေလိမ့်မည်ဖြစ်သည်။ ဆောက်လုပ်မည့်နေရာမှာ လက်ပန်းကျင်း အခြေခံပညာ အလယ်တန်းကျောင်းဝန်းအတွင်း သုတဆောင် ကျောင်းဆောင်၏ အရှေ့ဘက်တွင်ဖြစ်သည် ဟုသိရသည်။

ငယ်စဉ်ကလေးဘ၀တည်းက ပညာသင်လာခဲ့သော ကျောင်းတော်ကြီးတွင် ကျောင်းစာကြည့်တိုက် အဆောင်အဦ အခိုင်အမာ တည်ရှိလာသောကြောင့် အလွန်ဝမ်းသာပီတိဖြစ်ရပါသည်။

ကျွန်တော်တို့ လူငယ့်အားမာန် အဖွဲ့အနေဖြင့် ယခင်နှစ်မှ စတင်ကာ စာအုပ်များလှူဒါန်းခြင်းအား လုပ်ဆောင်ခဲ့သည့်အတိုင်း ယခုနှစ်တွင်လည်း ကျောင်းစာကြည့်တိုက်သို့ စာအုပ်များ တတ်နိုင်သလောက် လှူဒါန်းသွားဦးမည်ဖြစ်ပါသည်။

စာကြည့်တိုက်အလှူရှင် ဦးချစ်ရွှေ ၏ အတုယူဖွယ်ဘ၀ ဖြတ်သန်းမှု။
- ဦးချစ်ရွှေသည် ငယ်စဉ်က လက်ပန်ကျင်း (ညောင်ရွာ) တွင် အမိအဖ များနှင့်အတူ နေထိုင်ခဲ့သည်။
- လေးတန်းအောင်ပြီးနောက် ကျောင်းဆက်နေလိုသော်လည်း မိဘများမှ ကျောင်းထွက်စေခဲ့သည်။
- ကျောင်းမတက်ရသော်လည်း စိတ်မညစ်။
- ကျောင်းနေသော အတန်းကြီးသမားများထံ လေ့လာ ဆည်းပူးခဲ့သည်။
- ငယ်စဉ်ကပင် အင်္ဂလိပ်လို ပြောဆိုကာ ပညာကို မရှက်မကြောက် ရှာဖွေဆည်းပူးခဲ့သည်။
- ထိုသို့ ပညာလိုလားသည်ကို မြင်သောအခါ မိဘများမှ ကျောင်းဆက်ထားပေးသည်။
- အဌမတန်းအောင်ပြီး အလုပ်နှင့် ကျောင်းနေမည်ဟူသော စိတ်ဖြင့် ရန်ကုန်မြို့သို့ ရောက်ရှိခဲ့သည်။
- ပထမဆုံး အလုပ်မှာ ရန်ကုန် အမျိုးသမီးဆေးရုံ (ဂျမာခနာ) တွင် အ၀တ်လျှော် (ဒိုဘီ) အလုပ်ဖြစ်သည်။
- ရိုးသားကြိုးစားမှုကြောင့် ရန်ကုန်မြို့ကျောက်မျက်ရတနာဌာနသန့်ရှင်းရေး အလုပ်သမား အလုပ်ရရှိခဲ့သည်။
- ပါမစ်နစ် အလုပ်သမားအဖြစ် လစာရရှိသောအခါ ကျောင်းဆက်နေသည်။
- အလုပ်ပင်ပန်းမှုများနှင့် ငွေကြေး အခက်ခဲ့ကြောင့် ဒသမတန်းတွင် စာမေးပွဲ ဖြေရန် စိတ်ကုန်သွားသည်။
- သိုသော် စာမေးပွဲနီးလာသောအခါ စာပေးပွဲဖြေချင်စိတ် တဖွားဖွားပေါ်လာခဲ့သည်။
- အကိုကဲ့သို့ ခင်မင်ရင်းနီးသော ဦးမြတ်ထွန်း၏ ကူညီသင်ကြားပေးမှုဖြင့် စာမေးပွဲဝင်ဖြေရန် ဆုံးဖြတ်သည်။
- စာမေးပွဲအတွက် ကျောင်းစာမှလွ္မဲ၍ဘာမျှမရှိ။ နေ့ရောညာပါ စာကိုကြိုးစားသင်ယူကျက်မှတ်သည်။
- ကံဆိုးခြင်းမာနတ်ဝင်လာသည်။
- စာမေးပွဲဖြေရန် (၇) ရက်အလိုတွင် ကျောက်မျက်ပန်းပုထုရင်း ညာလက်ကျိုးခဲ့သည်။
- ညာလက် ကျောက်ပတ်တီးကိုင်းထားချိန်တွင် ဘယ်လက်ဖြင့် လက်ရေးကျင့်ကာ စာမေးပွဲဝင်ဖြေခဲ့သည်.
- မြန်မာစာပင် ဂုဏ်ထူးထွက်ခဲ့သည်ဟုသိရသည်။
- ထို့နောက် အဝေးရာက်ဘွဲ့ယူသည်။ ကျောက်မျက်ဌာန အရာရှိတစ်ဥိးဖြစ်လာသည်။
- ၀န်ထမ်းကောင်းတံ ဆိပ်များနှင့်အတူ နိုင်ငံခြားသို့ ပညာတော်သင် သွားရသည်။
- ယခုအခါ ၀န်ထမ်းဘ၀မှ ပင်စင်ယူကာ ရန်ကုန်မြို့ ဒဂုံမြို့သစ်တွင် မိသားစုနှင့်အတူ နေထိုင်သည်။
- ၂၀၁၀ ခုနှစ် မတ်လတွင် လက်ပန်ကျင်းအခြေခံပညာ အလယ်တန်းကျောင်းသို့ စာကြည့်တိုက် ဆောက်လုပ်လှူဒါန်းသည်။

ဆန်းဝင်း (ကျောက်ပန်းတောင်း)

လိုဂို အသစ်နဲ့ လူငယ့်အားမာန်

လူငယ့် အားမာန် လိုဂို အသစ်လေးပါ။

ယခုဆို လူငယ် အားမာန် အဖွဲ့လေးက လုပ်ငန်းတွေ စလုပ်ပါပီ။

ကျွန်တော် မွေးရပ်မြေ လက်ပန်ကျင်း အခြေခံပညာ အလယ်တန်းကျောင်း အတွက် ပညာရေး အထောက်ကူပြု စာအုပ်များ၊ အပါတ်စဉ်ထုတ် သတင်းစာ ဂျာနယ်များ လှူဒါန်းပါမယ်။ ငွေကျေး အရင်းနှီးကတော့ တစ်စုံတစ်ယောက်က မတည်ထားခြင်း မဟုတ်ပါဘူး။ အဖွဲ့ဝင်အားလုံး စေတနာ နဲ့ နိုင်သလောက် ပါဝင်ထည့်ဝင်ကြတာဖြစ်ပါတယ်။ တစ်လကို အနည်းဆုံး ငွေသား သုံး သောင်းဖိုး လစဉ် လှူဒါန်းပါမယ်။ ရန်ကုန် ရှိ စားသောက်ဆိုင် နှင့် company များတွင် အလုပ် လုပ်ကိုင် ကြသော ညီငယ် လေးများ၏ ပါဝင် မှုကို အထူးဂုဏ်ယူမိပါသည်။

နောက်နှစ်များမှာ ဒီထက်မက လှူဒါန်းနိုင်ဖို့ အဖွဲ့ဝင်များ တိုးလာအောင် ထပ်မံ စည်းရုံး သွားမှာ ဖြစ်ပါတယ်။

ဇာတိပုည ဂုဏ်မာန တဲ့ ကျေးလက်က ရွာငယ်လေးက ကျွန်တော့ ဇာတိပါ။ အေးချမ်းလှတဲ့ လက်ပန်ကျင်း ရွာသားလေး ဖြစ်ရတာ ဂုဏ်ယူ မိပါတယ်။

ဒီအကြောင်းတွေ အင်တာနက် စာမျက်နှာမှာ ရေးရတာကတော့ နတ်လူ သာဓုခေါ်စေဖို့ ဖြစ်ပါတယ်ခင်ဗျာ။

ဆန်းဝင်း

ကျောက်ပန်းတောင်း

နှစ်သစ်ကူးပွဲ သင်္ကြန်

“အတာကြူးတဲ့ တခူးလ ချိန်ခါ.. နှစ်ကူး သင်္ကြန်မဟာ …. သူလေးနဲ့ တွေ့ရပုံမှာ မေ့လည်း မမေ့နိုင်ပါ …. ”
သီချင်းလေး ဆိုလို့ ကျနော် သူလေးကို သတိရ နေတယ် မထင် လိုက်ပါနဲ့။ ဒီအချိန်မှာ ဒီလို သီချင်းလေး တစ်အေးအေးနဲ့ ဖြစ်နေတာ သင်္ကြန်ပိုးကြောင့်ပါ။ ရန်ကုန် သင်္ကြန်၊ မန္တလေး သင်္ကြန် တွေ အရမ်းစည်ပါတယ်။ ပျိုပျို အိုအို ကိုကို မမ တွေ ကြိတ်ကြိတ်တိုး ရေကစားလို့ပေါ့။ ဘီယာ၊ ၀ီစကီ (အရက်မပါ) ပါဝါ တင် စိမ့်စိမ့်တုန် အောင် အေးတဲ့ ရေခဲရေကို အံတုလို့ တစ်နေကုန် ပျော်ခဲ့ဖူးပါတယ်။ အရမ်း ပျော်ဖို့ကောင်းပါတယ်။

အခု ကျနော် ပြောချင် တဲ့ သင်္ကြန် အကြောင်း အရာက သိပ်ပြီး လူသိနည်း လှတဲ့ အညာမြေ ရွာလေး တစ်ရွာမှာ သင်္ကြန်ပွဲ ဆင်နွှဲတဲ့ အကြောင်း လေးပါ။ ဘယ်က စပြောမလည်း .. ဆိုတော့ .. အင်း… ဟုတ်ပြီ.. ရွာနာမည်က စမယ်။ အဲဒီ ရွာလေး နာမည်က လက်ပန်ကျင်းရွာ တဲ့။ လက်ပန်ကျင်း ဆိုတာ ရွာလေးရွာ ကို ပေါင်း ထားတာ - တစ်ရွာမှာ မှာ ဘုန်းကြီးကျောင်းက တစ်ကျောင်းဆီ ရှိတယ်။ အကြိုနေ့ မတိုင်မှီမှာ ရွာဦး စေတီ ကို ကာလသားခေါင်း နှင့် ကာလသမီးခေါင်းမှ ဦးဆောင်ကာ ဘုရား သန့်ရှင်းရေးလုပ်၊ ရေသပ်ပယ် ပါတယ်။ သင်္ကြန်ရက် လေးတွေ မှာ ဥပုတ် သတင်း ဆောင်တည်ကြမယ့် လူကြီး သူမများ၊ လူလတ်ပိုင်းများ လူငယ် ပိုင်းများ အားလုံး အတွက် သင်္ကြန်တွင်း ငါးရက်လုံး အကျွေးမွေး များဖြင့် တည်ခင်း ဧည့်ခံ ပါတယ်။ အညာ ဒေသတွင် နှစ်ဆန်း တစ်ရက် နေ့ အပါဝင် သင်္ကြန်ပွဲကို ငါးရက် တိတိ ဆင်နွှဲသည်။

အဘိုးဘွားများက အကြိုနေ့ တော့ ရွာဦးကျောင်းမှာ သီလယူမယ်။ အကျနေ့ တောင်ဘက်ရွာကျောင်း ဆရာတော်ထံမှာ ဥပုတ် ယူမယ်။ အကျက်နေ့ မြောက်ဘက်ရွာကျောင်း ၊ အတက်နေ့မှာ အလယ်ရွာကျောင်း စသည် စသည် သင်္ကြန်တွင်း ကာလမှာ တစ်နေ့ တစ်ကျောင်း လှူဖွယ် များဖြင့် သတင်း သီလ ဆောက်တည် ကြသည်။ အဘိုးရယ် အဘွားရယ် ဘုရားသွား ကျောင်းတက် တူတူ ဆိုတာမျိုးပေါ့။

လူကြီးများ သာမက ကလေး သူငယ်များ တွင်လည်း အစီအစဉ် ရှိသည်။ သင်္ကြန် ငါးရက်တွင် ဘုန်းကြီးကျောင်း ငါးကျောင်းမှာ - ဘယ်နေ့မှာ ဘယ်ကျောင်းက သာကူကြို တိုက်တယ်။ ကြက်သား ဆန်ပြုတ် တိုက်တယ်၊ အအေး တိုက်တယ် ၊ စသည်ဖြင့် နေ့အလိုက် အစီစဉ်များ ဆွဲထားကြသည်။ ဗိုက်ဝအောင် စားသောက်ပြီး လွယ် အိတ် ထဲမှာ ရေဗူးထည့် ကျောမှာပိုးပြီး ရေပြွတ်ပိုက်နဲ့ ရေပတ်ကြသည်။ ဆိုးသွမ်းသော ကလေးများမှာမူ ပူစီပေါင်း များဖြင့် ရေထည့်ကာ ပစ်ပေါက် ဆော့ကစားကြသည်။ (သားသားက ရေသနတ် နဲ့ ပတ်တာ)။ ဒီလို ကလေး တစ်သိုက်နှင့် တွေ့လျှင် ပျိုပျို အိုအို အထီး အမ မရွေး အကုန်ပြေးမလွတ် ရေပတ်ခံရသည်။

ကျေးလက် ကိုကို ကာလသားများ မှာတော့ အချက်ပြုတ် အကျွေးမွေး တာဝန်ယူ ထားရပါတယ်။ အဲဒီမှာ.. ဟိုဖက်ရွာ ဒီဖက်ရွာက ကွမ်းတောင်ကို အချော အလှ ညိုချော လေးတွေ ကိုယ့်ရွာကျောင်းကို လှူဖွယ်ပစ္စည်းများ နဲ့ လာတဲအခါ.. အပြန်ကို စောင့်ကာ ရေပက်ကြသည်။ အကျွေးမွေး အလှည့် ကျတဲ့သူ တစ်ယောက်က ..“ဟေ့ကောင် .. “ညိုကြီး”.. မင်း.. ကောင်မလေး “ဖြူစုပ်” ပြန်တော့မယ်.. ကျောင်း ပေါက်ဝ က ရေဖလားနဲ့ အသင့် စောင့်..” အဲသလိုလည်း ပြောလိုက်ရော ရေပက်မည့် ကိုကို ကာလသားက မိန်းမပျိုလေး အပြန် အဆင့်သင့် စောင့်နေတယ်။ မိန်းမပျို လာတော့ ရေဖလား လေးထဲမှာ နံသာရေတော့ ဟုတ်ဘူး .. ရေမွှေး ထည့်ပြီး လောင်းပါ တယ်။ အဲဒီလိုပဲ… အပြုံးလေးတွေ ကိုယ်စီနဲ့ ... တစ်ချို့တွေလည်း ချစ်ရေး ဆိုလို့ပေါ့။ (ကျနော် ပါဘူးနော်)။

မြို့ ပြ နဲ့မတူတာကတော့ နှစ်ဆန်း တစ်ရက်နေ့ပါပဲ။ မြို့ပြမှာ နှစ်ဆန်းတစ်ရက်နေ့ဆို မဏ္ဍပ်တွေ ဖျက်နေပါပြီ။ ရွာမှာတော့ နှစ်ဆန်းတစ်ရက်နေ့ ညနေမှာ ပွဲကြီး ပွဲကောင်းပါပဲ။ လူငယ် ကာလသားတွေ၊ အကိုကြီးတွေ၊ ပျော်တတ်တဲ့ ဦးလေးကြီးတွေ စုဖွဲ့ချီတက်ကာ တစ်အိမ်ဝင် တစ်အိမ်ထွက် လိုက်လံရေလောင်းပါတယ်။ အိမ်ရှိ လူဦးရေ တွက်ပြီးပါ လောင်းပါတယ်။ အားလုံးကလည်း သူ့အမျိုး ကိုယ့်အမျိုးတွေချည်း ဆိုတော့ စိတ်ဆိုးလို့ မရပါဘူး။ ရေပက် မခံပဲ ထွက်ပြေတဲ့ အိမ်များဆို အ၀တ်တွေကို ရေနှစ်ထားခဲ့တာလည်း ရှိပါတယ်။ ရွာလယ် လမ်းမ တစ်လျှောက် တူးပို့.. တူးပို့ .. သီချင်းများဆိုလို့ ပျော်ရွှင်စွာ သင်္ကြန်ပွဲ ဆင်နွှဲကြပါတယ်။

အမေ့ယက်ကန်းစင် (၂)

နံနက်ခင်း မိုးလင်း သည်မှစ၍ နွေနေမင်း သည် စတင်ကာ အစွမ်းပြ တော့သည်။
နေ ဘယ်ချိန်ထွက် လည်း ကျနော် မသိ။ ကျောင်းအားရက် ဖြစ်သောကြောင့် ကျနော် နေရောင် ဖင်ထိုးအောင် အိပ် တတ်သည်။ အမေသည် အိမ်အလုပ်များနှင့် ရှုပ်နေသည်။ မနက်မိုးလင်း ကနေ မိုးချုပ် ပါးစပ်က လည်းပြော လက်ကလည် လှုပ်ကာ အိမ်မှုကိစ္စ များ တစ်ခုပြီး တစ်ခု ဆက်ကာ လုပ်နေ တတ်သည်။
“အလုပ်လုပ်မှ ထမင်း စားရတာ အလုပ် လုပ်ဖို့ ပျင်းမနေရဘူး” ဆိုသည့် စကားသည် အမေ့၏ ဒသန ဖြစ်သည်။ အဖေနဲ့ အမေ သည် တကယ်ပင် လိုက်ဖက်ညီသော အကြင် လင်မယား ဖြစ်သည်။

ယခုကဲသို့ အလုပ်ပါးသော နွေအခါ မျိုးတွင် ယက်ကန်း လုပ်ငန်းအား စတင်ကြသည်။ ယက်ကန်း လုပ်ငန်း ဆိုသော် လည်း စီးပွားဖြစ် မဟုတ်ပေ။ တစ်ပိုင် တစ်နိုင် အိမ်တွင်းမှု လုပ်ငန်းဟုသာ ခေါ်ဆိုနိုင်သည်။ ၄င်း ယက်ကန်း လုပ်ငန်းသည် ကျနော့် ရွာလေးသို့ မည်သို့ မည်ပုံ ရောက်ရှိလာ သည်မသိ။ အမေ့ ၏ အမေ၊ ကျနော်၏အဖွား အိမ်တွင် အသုံးမပြု သော ယက်ကန်းစင် အဟောင်း တစ်ခု ရှိသည် ။ ဤသည် ကိုကြည်ခြင်း အားဖြင့် နှစ်အတန် ကြာပြီဟု ဆိုနိုင်သည်။ အဖွား ယက်ကန်း ယက်သည် ကို ကျနော် မမြင်ဖူးပေ။ သို့သော် အမေ သည် အဖွား၏ အမွေ ဆက်ခံသူ ဖြစ်သည်မှာ ဧကန် အမှန် ဖြစ်သည်။

ဤတွင် ၀ါဂွမ်း အဆင့်မှ အ၀တ် အထည် ဖြစ်လာ အောင် ယက်လုပ် ရသော လုပ်ငန်း အဆင့်ဆင့် ရှိလေသည်။ ကျနော် ငယ်စဉ်က မြင်တွေ့ နေကျ အရာ လေးများကို ပြောပြချင်သည်။ စိတ်ဖြင့်သိ သော်လည်း စကား လုံးဖြင့် ပုံဖေါ်နိုင် အံ့မထင်။ ပထမဦးဆုံး ၀ါပင်မှ ရသော ၀ါဂွမ်းကို အစေ့ထုတ် စက်ဖြင့် ၀ါဂွမ်း အတွင်းမှဝါ စေ့ များ ကြိတ် ထုတ်ရသည်။ ၄င်း ၀ါဂွမ်းအား ဗိုင်းတောင့် အဖြစ်သို့ ပြောင်းလည်းရသည်။ ဗိုင်းတောင့် ဆိုသည်မှာ နူးညံ့သော ၀ါဂွမ်းအလိမ်အတောင့်လေး ဖြစ်သည်။ ထိုဗိုင်းတောင့် အား ကြိုးမျှင် လေးများ ဖြစ်လာအောင် ဗိုင်းငင် ရသည်။ အချိန်ကို ကိုယ်စားပြုသော “လသာတုန်း ဗိုင်းငင်” ဆိုသည့် စကားပုံသည် ယက်ကန်း လုပ်ငန်းခွင်မှ ဆင်းလာခြင်း ဖြစ်သည်။ ဗိုင်းငင် စက်အား မမြင်ဖူးက ဗိုလ်ချုပ် အောင်ဆန်း ပုံနှင့် တစ်ကျပ်တန် ငွေစက္ကူ အစိမ်းရောင် တွင် ကြည့်ပါ။ (ပိုဝေးသွားမလားမသိ)။

တဖန် ဗိုင်းငင်၍ရသော ချည်လုံးအား ချည်ခင် ပြုလုပ်ရန် ချည်ငင် ရပြန်သည်။ ချည်ငင် ခြင်းတွင် အထူး ဂရုပြုရသည်။ ပြီးစလွယ် လုပ်ပါက ချည်ခင် အူပေါက် ကာ အစရှာမရ ဖြစ်တတ်သည်။ ထိုမှတဖန် ချည်ခင် အား ဆေးဆိုး ရသည်။ ဆေးဆိုး ရာတွင် မိမိ ယက်လုပ် မည့် အရောင် စိတ်ကူး အတိုင်း ဆိုး ကြသည်။ အဖြူထည် အတွက်မူ ဆေးဆိုးရန် မလို။ ဆေးဆိုး ပြီးသော အခါ အဆိုပါ ချည်ခင် အား ထမင်းလုံး များနှင့် နင်းနယ် ရသည်။ ကော်တင် ခြင်းဖြစ် ပေမည်။ ၄င်း အဆင့်ပြီး သောအခါ ချည်များ ခိုင်မာမှု အတွက် နေလှမ်း အခြောက်ခံ ရသည်။ ထို့နောက် ချည်သန့်ခြင်း အတွက် ဆပ်သွား နှင့် ချည်ချ ရပြန်သည်။ အ၀တ် တစ်ထည်ဖြစ်ရန် အဆင့်များ များလွန်းလှသည်။ အဆိုပါ သန့်စင်ထားသော ချည်အား တညင်းလုံး ကြီးတွင် ရစ်၍ သိမ်ဆည်း ထားသည်။ တညင်းလုံး မှ ချည် သည် အဆင်သင့် အသုံးပြုနိုင်သော အဆင့် ဖြစ်သည်။

ကျနော် သည် ငယ်စဉ်က အမေ့ ယက်ကန်း လုပ်ငန်းအား ကူညီ လုပ်ကိုင် ဖူးသည်။ ရံဖန်ရံခါ တွင် လည်း ချည်ခင် ရှုတ်ထွေး သွားတတ် သောကြောင့် အဆူခံ ထိသည်။
“ ဘယ်သူ ဘယ်သူ ၀င်ခါမှ ချည်ခင်ထွေး .. ရှင်းနိုင်ပါ့မယ်” သီချင်းထဲကလို ရှုတ်ထွေး နေသာ ချည်ခင် သည် ကောက်ရိုးပုံထဲ အပ်ပြောက်ရှာရသည်နယ် ခက်ခဲသည်။

ယခု အမေသည် အပ်ချည် နှင့် အပ်ပေါက် တည့်အောင် မထိုးနိုင်ပြီ။ အသက်ရွယ်ရ လာသော အမေ ယက်ကန်း မယက် သည်ပင် ဆယ်နှစ်ခန့် ရှိမည် ထင်သည်။ အမေသည် ငယ်စဉ် ကတည်းက အလုပ်နှင့် လက် ပြတ်သူ မဟုတ်။ အမေရယ်... သားတွေ သမီးတွေ လူတစ်လုံး သူတစ်လုံး ဖြစ်အောင် လုပ်ကိုင် ကျွေးမွေးခဲ့ ပြီးပါပြီ အခု သားတို့ အလှည့်လေ…. အမေ.. ငြိမ်ငြိမ်လေး ထိုင်နေပါ .. လို့ ကျနော် ပြောလည်း..မရ။ အိမ်မှုကိစ္စ များနှင့် ရှုပ်နေဆဲ ဖြစ်မှာ ကျနော် သိနေသည်။ ကျနော် အမေ့ကို လွမ်းနေသည်။

လူငယ်အားမာန် အဖွဲ့

လက်ပန်ကျင်းရွာ ဆိုတာ ကျနော့် မွေးရပ်မြေ ရွာလေးပေါ့။
တောင်မှ မြောက် တန်းစီနေတဲ့ တောင်ရွာ+အလယ်ရွာ+ညောင်ရွာ+သီးကုန်းရွာ ဆိုတဲ့ရွာ လေးရွာကို ပေါင်းပြီး လက်ပန်ကျင်းရွာ လို့ခေါ် ပါတယ်။
လူငယ်အားမာန်အဖွဲ့ ဆိုတာကတော့ လက်ပန်ကျင်းရွာမှ နယ်မြေ
ဒေသ အသီးသီး (ပြည်တွင်း ပြည်ပ) ရောက် လူငယ် လေးများ ပေါင်းစည်းမှု အဖွဲ့လေး တစ်ဖွဲ့ဖြစ် ပါတယ်။

လူငယ်အားမာန်အဖွဲ့ ဘာတွေ လုပ်မလဲ - လက်ပန်ကျင်းရွာ အခြေခံပညာ အလယ်တန်း ကျောင်းမှ အနာဂတ်၏ သားကောင်းရတနာ ညီငယ် ညီမငယ်များ အတွက် အထွေထွေ ဗဟုသုတ ရစိမ့်သော ငှာ အပတ်စဉ်ထုတ် ဂျာနယ် ၊ တတင်းစာများ၊ အင်္ဂလိပ် အက်ဆေး စာအုပ်များ၊ မြန်မာစာ စာစီစာကုံး စာအုပ် များ စသည် စသည် များကို လစဉ် လှူဒါန်း သွားမှာဖြစ်ပါတယ်။

စိတ်ကူး ယဉ်တာ ကတော့ - ကျနော် မောင်ဆန်းဝင်း နဲ့ ရန်ကုန်မြို့ ရှိ ပုဆိုး လယ်သိုင်း သူငယ်ချင်း ကိုစိုးငြိမ်းအောင် ပေါ့ ခင်ဗျာ။ လက်တွေ့ အကောင်ထည် ဖေါ်ဖို့ကိုတော့ ကိုစိုးငြိမ်းအောင် ကပဲ တာဝန်ယူ ဆောင်ရွက်မှာ ဖြစ်ပါ တယ်။ ကျနော်ကတော့ ဘေးပြော .. ဟိုလိုလုပ်ပါလား ဒီလိုလုပ်ပါလား .. ဒါတော့ ဒီလိုဖြစ်သင့်တယ်.. အဲလိုပဲပေါ့ခင်ဗျာ..

ဘယ်လိုလုပ်မလဲ ဆိုရင် - စာအုပ်များ လှူဒါန်းမှု အတွက် ကျောင်းအုပ်ကြီး ဦးမောင်ဝင်း နှင့် တိုင်ပင်ထားပြီး ဖြစ်ပါတယ်။ ကျောင်းစာကြည့်တိုက် တွင် ထာဝရတည် စေရေး - အထက်တွင် မြင်ရသော လူငယ်အား မာန်အဖွဲ့ အမည်ပါ တံဆိပ်တုံး နှိပ်ကာ လှူဒါန်းမှာ ဖြစ်ပါတယ်။

အဖွဲ့ဝင်လား - ခုလောလောဆယ် ၂၀ ဦးခန့် ရှိပါတယ်။ လှူဒါန်းမှုကိုတော့ ငွေကြေးပမာန သတ်မှတ် ထားခြင်း မရှိပါဘူး ခင်ဗျာ။ လစဉ် လစဉ် ပုံမှန် လှူဒါန်း ဖို့ပဲ တိုက်တွန်းပါတယ်။
လှူဒါန်းမှု ကို - ယခုနှစ်ကျောင်းဖွင့်ရာသီ မှ စတင်ကာ လစဉ် လှူဒါန်း သွားမှာဖြစ်ပါတယ်။

အမေ့ ယက်ကန်းစင် (၁)

ကျောက်ပန်းတောင်း မြို့နယ်သည် မြန်မာ နိုင်ငံတွင် သောက်သုံးရေ အရှားပါးဆုံး မြို့ တစ်မြို့ဖြစ်သည်။ မိုးနည်း ရေရှား ရပ်ဝန်းကို ပြပါဆိုလျှင် ကျောက်ပန်း တောင်း မြို့သည် ရှေ့ဆုံးက ပါမည် ဖြစ်သည်။ ပင်လယ်နှင့် ဝေးကွာပြီး သစ်ပင် ၀ါးပင် နည်းပါး မှုကြောင့် မိုးရာသီတွင် မိုးနည်း သည်။ နွေအခါတွင် ချစ်ချစ်တောက် ပူသည်။ ဆောင်းရာသီတွင် အအေးလွန်ကဲသည်။ ဤကား အညာသရုပ် ဖြစ်သည်။

သို့သော် ကျနော့် ဇာတိမြေ လက်ပန်ကျင်းရွာလေး၏ အရှေ့ဖက်တွင် ကန္တာရ အိုအေစစ် တစ်ခု သဖွယ် ဖြစ်သော တောင်စဉ်ချောင်း တစ်ခုရှိသည်။ ၄င်း တောင်စဉ်ချောင်း သည်နွေ၊ မိုး၊ ဆောင်း သုံးရာသီ ရေအမြေဲ မပြတ် စီးဆင်း သည်။ ပုပါးတောင်၏ စိမ်းမြဆိုပြေမှု အကျိုးဆက်တစ်ခုလည်းဖြစ်သည်။ တောင်စဉ်ချောင်းအား အမှိပြုကာ ကိုင်းလုပ်ငန်းလုပ်ကိုင် နိုင်သည်။ ကြက်သွန် ဖြူ နီ၊ ခရမ်းချဉ်၊ မုန်လာ၊ မေမြို့ပန်၊ ဂန္ဒမာပန်းများ ချဉ်ပေါင်၊ ဗူး၊ သခွား၊ ဖရဲ စသည် စိုက်ပျိုး နိုင်ကြသည်။

ယခု အချိန်သည် အညာဒေသ၏ အပူပြင်း ဆုံးအချိန် ဖြစ်သည်။ နွေနေ ပူပူကို အန်တုလျှက် လက်ပန်ပွင့်များ မြိုင်မြိုင် ဆိုင်ဆိုင် ပွင့်သော ကာလဖြစ်သည်။
“လာဟေ့ဒွား သွားကောက် ချေစို့ ပွင်ခြောက်ကယ် အနားလန် ပင်လက်ပန်ကျွေချိန်ကျပြီမို့”
ဆိုတဲ့ကဗျာလေး ကိုပင် သတိရမိသည်။ ကျနော်ကိုယ်တိုင် လက်ပန်ပွင့်ကောက်ဖူးသည်။ နွေအခါသည် အညာဒေသ တောင်သူများ အတွက် အနားယူသော ကာလ လည်း ဖြစ်သည်။ မိုးဦးကျတွင် အဆင်သင့် စိုက် ပျိုးနိုင်ရေး မျိုးစေ့များ သန့်စင်ခြင်း၊ လယ်ယာမြေများ ထွန်ရေးခံကာ အဆင်သင့်ထားရှိခြင်း အလုပ်သာရှိသည်။ တနည်းအားဖြင့် အလုပ်ပါး၍ အနား ရသော ကာလ ဖြစ်သည်။ လူငယ် လူရွယ်များ အဖို့ လည်း ကျောင်းအား ရက်ဖြစ်သည်။ လေးခွ ကိုယ်စီနှင့် ချောင်ရိုးတလျှောက်ရှိ လက်ပန်ပင်တန်းတွင် (ရှဥ့်ဖမ်းခြင်း) တောလိုက် ကြသည်။

ကျနော် ငယ်စဉ်က အလွန် ခြေဆော့ လက်ဆော့ ရှိသည်။ ကျနော့် ထက် ကျနော်၏ညီက ပို၌ ခြေဆော့ လက်ဆော့ရှိသည်။ တခါက သူသည် ရေအိုးရွက်လာသော မိန်းမပျို အား ခါးကို တို့ကာ၊ နှိုက်ကာ ကျီစယ်၏ အဆိုပါ မိန်းမပျိုမှာ ရယ်ခြင်စိတ်ကို မထိမ်းနိုင်ပဲ ရေအိုးကို လွတ်ချ လိုက်ရသည်။ ကျနော့်၏ မိဘများအား တိုင်တန်း ရာ ညီတော်မောင်ခမျာ အရိုက်ခံရသည်။

ကျနော်သည် ညီတော်မောင်နှင့်မတူ။ လက်ဆော့ခြင်းတော့ လက်ဆော့ခြင်းပင်ဖြစ်သည်။ ဒုတိယတန်း အရွယ်ကဖြစ်သည်။ မိဘများ မသိအောင် အိမ်ရှိတိုင်ကပ်နာရီ ကြီးအား ဖွင့်ကာ ဟိုနှိုက် သည်နှိုက် လုပ်၍ စူးစမ်းသည်။ ပြန်ပိတ်သောအခါ စကူ တစ်ခု ပိုနေလေသည်။ သို့သော် နာရီကြီးမှာ စက်သွားနေသေး၍ ကံကောင်း သွားသည်။ ငါးတန်းအရောက်တွင် အကိုကြီးမှ ညီငယ်များအတွက် စာကျက်ထရန် (ကလင် ကလင်မြည်သော) အချက်ပေး နာရီ ၀ယ်ပေးသည်။ အဖေမှ တားမြစ်ထား၍ ဖွင့်ကြည့်ခြင်သော စိတ်အား မနည်းထိမ်း ထားရသည်။

အမေသည် ယက်ကန်းယက် ခြင်းအာ တစ်ဖက်ကမ်းခပ် ကျွမ်းကျင်သည်။ အမေ့ ယက်ကန်းစင် သည် လေးတိုင်ထောင် တစ်လွန်းထိုး ဖြစ်သည်။ အမည်နာမများအာ သိပ်မှတ်မိတော့ချေ။ တိုင်လေးတိုင်နှင့် ယက်ကန်းစင်တွင် လက်ခတ်၊ နှပ်၊ ခြေနင်း၊ လွန်း၊ စသည်ဖြင့်ရှိသည်။ ကျနော် ငယ်စဉ်က ယက်ကန်းနှင့် ပတ်သက် သောအရာ တော်တော်များများအား လုပ်တတ် သည်။ ဗိုင်းငင်တတ်သည်။ ချည်ချတတ်သည်။
ရုံဖန်ရံခါ ယက်ကန်းစင်ပင် ၀င်ကာ လက်ခတ်လိုက်သေးသည်။

သို့သော် တညင်းလုံးခေါ် ရစ်ဘီးမှ ဘီးနှစ်ခုအား (ပိတောက် (သို) နို့စည်ဗူး ဖင်ခေါက် ”တောက် တောက် တောက်” ) လုပ်ရုန် ဖြုတ်ယူခဲ့၍ အမေ့ အရိုက်ခံ ရသည်။

ယက်ကန်း ယက်ရန် ၀ါဂွမ်းကို မိမိယာတောထွက် ၀ါဂွမ်းဖြင့် လည်းလုပ်သည်။ အဆင်သင့် ဗိုင်းတောင့်များ ၀ယ် ယူ၍လည်း ပြုလုပ်သည်။ ၀ါဂွမ်းမှ အ၀တ် တစ်ထည်ဖြစ်လာပုံကား မလွယ်ကူ ပေ။ အဆင့်များစွာ ကျော်ဖြတ် ရသည်။ အမေ ယက်ကန်းစင်မှ လုံချည် (ကွက်စိပ် ၊ ကွက်ကျဲ၊ ချိတ်၊ ပန်းပွင့်ပုံဖေါ်) များ၊ အကျီ (ည၀တ်လက်ရှည်၊ ပင်နီတိုက်ပုံ)စသည်၊ စောင်များ ၊ တဘက်စောင်များ ယက်လုပ်သည်။

အမေသည် ယက်ကန်း မယက်နိုင်သည်မှာ ကြာချေပြီ ။ ယခုမူ အမေ့အမွေ ဆက်ခံမည့်သူ မရှိပေ။

ရွာမှ သဘာဝ ဟင်းလျှာများ

ဒီဟင်းလျှာလေးတွေကတော့ ကျနော် ဘယ်တွေရောက်ရောက် တမ်းတ လွမ်းရသော အမေ့လက်ရာ စစ်စစ် အညာဟင်းများဖြစ်ပါတယ်။ ကျနော် ရွာက ဟင်းလျှာတွေ၊ စားစရာတွေ နဲ့ပတ်သတ်လာရင် အနံ့လေးတွေက အစ မှတ်မိနေတယ်။ အခု ရေးပြတဲ့ ဟင်းလျှာများကို မကြားဖူး မမြင်ဖူးသူတွေ များမယ်လို့ထင်ပါတယ်။
ကြားဖူးအောင်ပေါ့။

၁။ မန်ကျီးရွက် နုနု ကို တောင်ပေါ်ပဲပြုတ် နဲ့ သုတ်တဲ့ အရသာကို လွမ်းတယ်။
၂။ မန်ကျီးရွက် နဲ့ ခရမ်းခေါင်းသီး ချဉ်ဟင်းကို မမေ့နိုင်ဘူး။
၃။ မိုးဦးကျ ထွက်တဲ့ ဆူးပုတ် နုနု နဲ့ ဆန်မုန့် ဟင်းချို ကိုလည်းလွမ်းတယ်။
၎။ မလွှပွင်၊ ကြောင်ရှာပွင့် ၊ ကြောင်ရှာသီး သုတ်စားခြင်တယ် ။
၅။ ဂုဏ် ရွက်နုနု နဲ့ ဆန်မုန့် ဟင်းချို လည်း စားခြင်တယ်။
၆။ သဘာဝ ခွေးတောက်ရွက် ဟင်းချိုချို။
၇။ မိုးဦးကျ ဟင်းနုနွယ်ရွက် ဟင်းချိုချို။
၈။ နွေမိုးဆောင်း လယ် ကန်စွန်းရွက်ကြော်။
၉။ ကိုင်း ချဉ်ပေါင် နဲ့ ဆူးပန်း၊ နံနံ ချဉ်ဟင်း တစ်ခွက်။
၁၀။ ပဲတိုင်ထောင် နဲ့ချဉ်ပေါင်ရွက် ဟင်းရည်ချို။
၁၁။ လက်ပန်ပွင့်ခြောက် (၀က်သားနဲ့မလဲနိုင်ပါ) ဟင်းစားခြင်တယ်။
၁၂။ ငရှာရွက် ဆန်မုန့် ဟင်းချိုကိုလည်း လွမ်းပါ့။
၁၃။ ကြက်ဟင်းခါးရွက် ကြော်ကိုလည်း လွမ်းတယ်။
၁၄။ ခရမ်းခေါင်းသီး မီးဖုတ်သုတ်ကို မေ့နိုင်ဘူး။
၁၅။ ကဆစ်သီး မီးဖုတ် နဲ့ ငရုပ်သီးထောင်းကို စားခြင်တယ်။
၁၆။ ကင်းမုံသီး ဆီပြန်ကြော်။
၁၇။ ပေါက်ပန်းဖြူ ၊ ပေါက်ပန်းနီ ပွင့် ဟင်းချို။
၁၈။ ကြက်သား နဲ့ ဗူးသီး ကာလသားချက်။
၁၉။ အိမ်ထွက် ပုန်းရေကြီး သုတ် စားခြင်တယ်။
၂၀။ ခရမ်းချဉ်သီး ငါးပိချက် ကလအော် ငါရုပ်သီး နဲ့ချက်။
၂၁။ ထန်းရေမှ ရသည့် ထန်းပုန်းရည်ကြီး ချက် ။
၂၂။ ဆောင်းဦးပေါက် နံနက်စောစော မီးပုံဘေးမှာ ကောင်းညှင်းပေါင်းစား ခြင်သေးတယ်။
၂၃။ မြေပဲကြော်ကိုထောင်း ထမင်းပူပူ နဲ့ နယ်၊ နှမ်းမှုန့်ဖြူး ပြီးစားခြင်တယ် (မူပိုင်ဟင်းလျှာ)။
၂၄။ ဖားကင်၊ ထန်း ပင်ကျရည်။
၂၅။ လယ်ကြွက်ကင်၊ ထန်း ပင်ကျရည်။
၂၆။ ဆူးပုတ်ကြီးရွက် နဲ့ ပဲကြီးဟင်းချို လဲ စားခြင်တယ်။
(ဟင်းအားလုံးကို ချက်ပြုတ်ရာတွင် ဆုံကြိတ် နှမ်းဆီ ကိုသာသုံးပြီ မြေအိုးနှင့်ချက်သည်)။

အမှတ်တရ ငယ်ငယ်က

ကျနော်ငယ်ငယ်က လက်ပန်းကျင်း ဆိုတဲ့ ရွာလေးက အလယ်တန်းကျောင်း
(ယခင်အခြေခံပညာ မူလတန်းကျောင်း၊ ယခု အခြေခံပညာအလယ်တန်းကျောင်း)
မှာ ပညာသင် ကြားခဲ့ပါတယ် ။ (ကျနော်တို့ ဆရာ ဦးကြည်ဝင်း ပြောသလိုဆိုရင်
ပညာရည်နို့ သောက်စို့ခဲ့တယ်ပေါ့ဗျာ) အဲဒီရွာ လေးမှာ နန်းထိုက် ခေါ် နန်းကြီးကိုက်၊
မင်းညွန့် ခေါ် ဟံသာပု ၊ ဆန်းဝင်း ခေါ် ငနီ ဆိုပြီး သူငယ်ချင်း သုံးယောက်ရှိတယ် ။
ဒီအမည်နာမ များကို ဆရာကြီး ဦးရွှေမန်း မှပေးခဲ့ပါတယ် ။ ဆရာကြီးဦးရွှေမန်း
ကိုတော့ ဆရာဦးကြည်ဝင်းကပဲ လက်ပန်ကျင်းရွှေမြို့တော်ရဲ့ ပညာရေးဖခင် လို့
အမည်ပေးပါတယ် ။ ဘာလို့လည်းဆိုတော့ ဘုန်းတော်ကြီးကျောင်း ပညာသင်ကြား
ရေးမှ အစိုးရအသိမှတ်ပြု လက်ပန်ကျင်း အခြေခံပညာမူလတန်းကျောင်း အဖြစ်
ကျိုးစား တည်ထောင်သူ၊ နောက်ဆုံး အလယ်တန်း ခွဲဖက် ပွင့်တဲ့ အထိ ကျောင်း
အုပ်ကြီး အဖြစ်တာဝန်ထမ်းဆောင်ပြီး ဒီရွာလေးရဲ့ ပညာရေးကို ဖွံ့ဖြိုး စေခဲ့သူမို့ပါ။
ကျနော်တို့ သူငယ်ချင်း တစ်တွေလည်း မူလတန်း (ပုဆိုးလွယ်သိုင်း အရွယ်) မှစ
အဌမတန်း (လူပျိုပေါက် အရွယ်) အထိ လည်တွဲ ညီညီ အတူသွား အတူစား
(အစားဆက်တူ) နေလာခဲ့ကြတယ် ။ အခုတော့ သူတို့တွေက ရွာမှာ (တို့တစ်တွေက
တို့ရွာမှာနေ) ဆိုသလိုပေါ့။ အခြားသူငယ်ချင်းများဖြစ်တဲ့ ပထမဆုံးပဲခွဲစက်နှင့်
အ၀ီစိတွင်းပိုင်ရှင် ဦးကျော်ငြိမ်း၏သား စိုးငြိမ်းအောင် ခေါ် ပိုးစိ ၊ ဦးဆန်းမောင်သမီး
ဥမ္မာချော၊ ဖုန်းဖုန်းမှာ ကျောက်ထုတ်ရှိတယ် ယုံပါကွယ် ဆိုတဲ့ သိချင်းနဲ့ ရွာဇာတ်
မှာ နာမည် ကြီးတဲ့ ဦးသန်းရှိန် သမီး ဖြူတင်၊ အခုတော့ ဆရာမ လုပ်နေတဲ့ မြင့်မြင့်ခိုင်၊
နေထက်လင်းကို အရမ်းကြိုက်တဲ့ တင်မြင့်ခိုင် ခေါ် ကြွက်မ ၊ ၇ တန်း ၈ တန်း ၉ တန်း
၁၀ တန်း နဲ့ ဘွဲ့ရသွားသော ယခု ကလေးကိုယ်စီ နှင့် သူငယ်ချင်းများကို
သတိရလိုက်တာ ။ အမှတ်တရ ငယ်ငယ်က မေ့မရနိုင်ပါ။

လက်ပန်ကျင်းဆိုတာ ရွာတန်းရှည် ရွာအမျိုးစားထဲမှာ ပါပါတယ် ။
ကျောက်ပန်းတောင်း မြို့ ကနေ ၁၂ မိုင် လောက်ဝေးတယ်လို့ ပြောကြတာပဲ ။
ရွာကနေ နောက်တွဲပါထွန်စက် (မြို့ပြတွင် အမှိုက်ကား) ကိုစီး ပြီး သွားရင်
ကျောက်ပန်းတောင်းမြို့ကို ၄ နာရီလောက်မောင်းရတယ် ။ (ကားတာယာဖိနပ်
၂ ရံတော့မကုန်ပါ)။ ကျနော်တို့ရွာရဲ့ အရှေ့ ဖက်မှာ အေးမြကြည်လင်တဲ့
(ငယ်ငယ်က ငါးဖမ်းနေကြ) တောင်ကျ ချောင်းလေး ရှိတယ်။ အများသိတဲ့
မန္တလေးတိုင်း ကြက်မောက်တောင်ဆည်ကြီးမတည်ဆောက်ခင်က ဒီတောင်ကျ
ချောင်းဟာ ရေစီး အလွန်သန်တယ်လို့ အသက် ၈၀ ရှိ လူကြီး သူမ များက
ပြောပါတယ် ။ ၂၁ ရာစုထိ ဒီချောင်းကလေး ရှိနေပါတယ်။ ရွာရဲ့ အသက်သွေးကြော
ဆိုရင်လည်း မမှားပါဘူး ။ ပြောဦးမယ်ဗျာ အခုန ဆရာ ဦးကြည်ဝင်း ကိုသတိရတာနဲ တစ်ဆက်တည်းဆရာ့အကြောင်း ပြောရဦးမယ် ။ ယခင်က ဆရာဟာ ရွာမှာ
တယ်လီဗီးရှင်း ခေါ် တီဗွီပြတယ်။ များမကြာခင် ခေတ္တ် ရေစီးကြောင်း အတိုင်းပေါ့
ဗွီဒီယို သို့ ပြောလဲပြသပါတယ်) ယခုအခါ ကျောက်ပန်းတောင်း မြို့သို့ ပြောင်းရွှေ့
ကာ ၉တန်း၊ ၁၀တန်း ကျောင်းသားများ အား ဘော်ဒါ ဖွင့်ရ်ျ စာပြပါတယ်။
ဆရာက ရပ်ရေး ရွာရေး ဆိုလော်စပီကာ (ဓာတ်စက်) ကိုဖွင်ပြီး ဟန်ပါပါ ဟစ်ပါ
တယ်(ရပ်ရေးရွာရေးဆို မိုက်ခဲမယ်ဆိုတာ ဆရာပေါ့) အခုတောင် နားထဲမှာ
ဆရာ့အသံ ကြားရောင် နေပါတယ် “လက်ပန်ကျင်းရွှေမြို့ တော်မှာ နေထိုင်ကြ
ကုန်သော ရွာမိ ရွာဖ အပေါင်းတို့ ခင်မျာ့...” ဒီလို ဒီလို။ ငယ်ငယ်က ကျောင်းမှာ
နှစ်စဉ် မိဘဆရာ တွေ့ဆုံညှိနိုင်းပွဲနဲ့ တစ်နှစ်တာ ပညာရည်ချွန်ဆုပေးပွဲတွေမှာ
လည်း ဆရာက အစီစဉ် ကြေညာ သူပါ ။ ဒီလောက် ဝေးလံခေါင်းပါတဲ့ အရမ်မှာ
ဒီလို အစီစဉ်များကို ဆရာကဦးစီး ဦးရွက် ပြုခဲ့ကာ နှစ်စဉ်မပြတ် ကျင်းပခဲ့ပါတယ်။
တကယ်တော့ ဆရာဟာ ရွာအတွက် ပေးဆပ်သွား တာတွေကို လူတော်တော်
များများ မသိကြပါဘူး ။ မြို့ပြ လေလှိုင်းဝေးတဲ့ ဒေသလေးက လေးတန်း ငါးတန်း
လောက်သာ ပညာသင်ခဲ့ရရှာ တဲ့ ကျနော်တို့ မိဘတွေရဲ့ ခေါင်းထဲကို ပညာရေး
ဆိုတဲ့ စကားလုံး အကြီးကြီးတွေ ပစ်ထည့်တာ ဆရာပါ ။ ကနော်တို့ကို
“ယနေလူငယ် နောင်ဝယ် လူကြီး ၊ အနာဂတ်မှာ တိုင်းပြည်တာဝန် ပခုံးပြောင်း
ထမ်းဆောင်ရမယ့် နိုင်ငံသားကောင်းတွေ” လို့ တစ်ဖွဖွပြောခဲ့တာ ဆရာပါ။
စာသင်နေရင်းနဲ နိုင်ငံခြားကို ကိုယ်တိုင်သွားရ သလိုခံစားရအောင် ပြောပြတတ်
တာ ဆရာပါ ။ ဆရာဟူသည် စာကိုလည်းသင် လူကိုလည်းပြင် ဆိုတဲ့ ဆောင်
ုပုတ် နဲအညီ ကျောင်းစည်းကမ်း ရွာစည်းကမ်း ကောင်းအောင် ငါတို့ လွတ်လပ်ရေး
ဖခင် ဗိုလ်ချုပ်အောင်ဆန်းက ဘယ်လို မှာခဲ့တာ၊ နိုင်ငံကြီးသား တွေက ဘယ်လို
ဘာကြောင့် ဆိုပြီး ပြောပြနိုင်အောင် စာပေနဲ ဗဟုသုတ ပြည့်စုံပါတယ်။
ရွာသားဆိုပြီး အားငယ်မနေရအောင် ပညာဆိုတာဘယ်လို လက်နက် ဖြစ်တယ်
ဆိုတာ တစ်ဖွဖွ ပြောပါတယ် ။ ၅ တန်းကနေ ၈ တန်းနှစ် အထိ ဆရာ လက်အောက်
မှာ ကြီးပြင်းခဲ့တာ အရမ်း တန်ဖိုးရှိပါတယ်။ ဆရာပြောတဲ့ လက်ပန်ကျင်း ရွှေမြို့
တော်ကြီး တိုးတက်ဖို့ တပည့် စဉ်းစားတတ်နေပါပြီဆရာ။ ဆရာကျန်းမာပါစေ ။
ဆန်းဝင်း(ကျောက်ပန်းတောင်း)

မွေး ရပ် မြေ အ တွက်

ဒီ နေ့ သူ ငယ် ချင်း စိုးငြိမ်း အောင် နဲ စ ကား ပြော ပြီး ဟို အ ရင် တည်း က လုပ် ခြင် နေ တဲ့ ကျ နော့် မွေး ရပ် ရွာ နာ မည် နဲ ဘ လော့ လေး ကို လုပ် ဖြစ် ပါ တယ်။ သူ ငယ် ချင်း က လည်း လို လို ခြင် ခြင် တိုက် တွန်း တော့ လုပ် ဖြစ် သွား တယ်။

http://latpangyin4.blogspot.com/

ဘာ မှ တော့ မ ပြင် ဆင် ရ သေး ဘူး ။ google က ပေး တဲ့ အ တိုင်း လုပ် ထား တယ်.။ ဆန္ဒ တော့ အ ထ မြောက် သွား တယ် ။ ဖြေး ဖြေး ခြင်း ပြု ပြင် ယူ မယ် ။ ပြော သာ ပြော သာ ရွာ မှာ ဘ လော့ ကို သိပ် မ သိ ကြ ဘူး ။ ဖြေး ဖြေး ခြင်း နား လည် လာ ကြ မယ် ထင် ပါ တယ် ။ သ ဘာ ၀ စစ်စစ် ပိုစ် လေး တွေ နဲ စည် ပင် နေ တဲ့ စိတ် ကူး ထဲ က ဘလော့လေး ကို မြင် ရောင် ပြီး ပီ တိ ဖြစ် မိ ပါ ရဲ့ ။

ငယ် ငယ် က ဘူရားပွဲ၊ အလှူပွဲ များတွင် ဒိုးပတ်နှင့် သိဆို ခဲ့သော ကျနော်ရွာ ဖွဲ့ သီချင်းလေး အကုန်တော့ မရတော့ဘူး ။ တစ်ဝက်ပဲ ရတယ်။

လာလည်ပါ လေးရွာတစ်တန်း စခန်းသာ..
ပျော်ရွှင်စွာ ဖိတ်ခေါ်နေလျှက် သွေမပျက်ပါ..
ပြည်ရွှေပင် မြောင်းဘောင်စခန်းထိ..
လှမ်းကြည့်မျှော်တဲ့ အခါ..
ဒို..ပြည်သူ့စိုက်ပျိုးရေးအတွက်..
ပြည်သူ့ ယာခင်းတွေကသာ..
သာယာတဲ့ လူဘောင်စခန်းကို လှမ်းစို တူမကွာ..
လက်ပန်ကျင်းခေါ် လေးရွာတစ်တန်းကိုလာရောက်လို့ လေ့လလည် စမ်းပါ…

ဆန်းဝင်း
လက်ပန်ကျင်း