Tuesday, February 14, 2012

A villager Farmer

my native (kyaukpadaung)

farm at my native (kyaukpadaung)

kyaukpadaung

လုပ်ငန်းခွင်တွင် ဘေးအန္တရာယ် ကင်းရှင်းစေရေး


ဤစာ ရေးသားချိန်တွင် ကျွန်တော်သည် ပြည်ပနိုင်ငံတွင် အလုပ်လုပ်နေပါသည်။ နိုင်ငံရပ်ခြား တိုင်းပြည်တွင် အလုပ်လုပ်ရင်း သတင်းဂျာနယ်များမှ မြန်မာပြည်အကြောင်း သတင်းများ ဖတ်ဖြစ်သည်။ အထူးသဖြင့် Eleven Media မှ ထားဝယ် ရေနက်ဆိပ်ကမ်း အကြောင်း ဆောင်းပါးများ ဖတ်ရသောအခါ ကျွန်တော်၏ လုပ်ငန်းခွင်မှ အတွေ့အကြုံများအား ရေးသားမျှဝေလိုသည်။ ရေနက် ဆိပ်ကမ်း ကဲ့သို့သော ပင်လယ်ရေကြောင်း ဆိုင်ရာ လုပ်ငန်း ပရောဂျက်များသည် ကျွန်တော်နှင့် မစိမ်းလှပေ။ ကျွန်တော်သည် ကမ္ဘာပေါ်တွင် နာမည်ကြီး စီးပွားရေး လုပ်ငန်းစုဖြစ်သော Keppel group ၏ လက်အောက်တွင် အလုပ်လုပ်နေသည်။ လုပ်ငန်းခွင်တွင် မြင်တွေ့ ထိတွေ့နေရသော လုပ်ငန်းခွင် အန္တရာယ် ကင်းရှင်းမှု လုပ်ငန်းဆိုင်ရာများအား ပြည်တွင်း စာဖတ်သူတို့ သိရှိစေရန် ရေးသားမျှဝေ လိုက်ပါသည်။

နှစ်ရှည်စီမံကိန်း လုပ်ငန်း လုပ်ဆောင်ရာတွင် လုပ်ပိုင်ခွင့်ထားသော ကုမ္မဏီသည် တာဝန်လွန်ကြီး၏။ တာဝန်ယူရသည့် အပိုင်းများစွာရှိ၏။ လုပ်ငန်းခွင်တွင် ဘေးအန္တရာယ် ကင်းရှင်းစေရေးအတွက် တတ်သိ နားလည်သော ပညာရှင်များဖြင့် ဘေးအန္တရာယ်ကင်းရှင်းရေး အဖွဲ့များဖွဲ့ကာ အလုပ်သမားများ၊ စက်ပစ္စည်း များ အန္တရာယ်ကင်းရေး လုပ်ဆောင်ရသည်။ အလုပ်ရှင်မှ လိုအပ်သည်များ တာဝန်ယူ ဖြည့်ဆည်း ပေးရ သည်။ ပြည်တွင်း ဆောက်လုပ်ရေး၊ လမ်း တံတား စီမံကိန်း လုပ်ငန်းများတွင် ကျွန်တော် အလုပ်မလုပ် ခဲ့ဖူးပါ။ သို့သော် ယခု ကျွန်တော် လုပ်ကိုင် နေရသော လုပ်ငန်းခွင်မှ နိုင်ငံတကာ စံနှုန်းရှိ လုပ်ငန်း အတွေ့အကြုံများအား ဗဟုသုအဖြစ် မျှဝေလိုပါသည်။

နှစ်ရှည် စီမံကိန်း လုပ်ငန်းခွင် လုပ်ကိုင်ခွင့်ရှိသူ၊ ပိုင်ဆိုင်သူသည် အောက်ပါ အခြေနေများအား တာဝန်ယူ ဖြေရှင်း လုပ်ဆောင်ပေးရသည်။

၁။ လူဦးရေ ထူထပ်မှု။ ။ နှစ်ရှည် စီမံကိန်း လုပ်ငန်းခွင်၊ စက်ရုံ အလုပ်ရုံ လုပ်ငန်းများတွင် လူဦးရေ ထူထပ်စွာ လုပ်ကိုင်ခြင်းသည် အန္တရာယ်ရှိသော အခြေနေ တစ်ခု ဖြစ်သည်။ တစ်နေရာတည်း၌ လူဦးရေ များစွာ လုပ်ကိုင်စေခြင်း (သို့) နေထိုင်စေခြင်းကြောင့် (အောက်စီဂျင် မလုံလောက်ခြင်း) ကျန်းမာရေးဆိုင်ရာ ဘေးအန္တရာယ် ရှိလာနိုင်သည်။ ထို့ကြောင့် မလိုအပ်ဘဲ အလုပ်သမားများအား ထူထပ်စွာ လုပ်ကိုင်ခြင်းအား ထိန်းချုပ်ရန် တာဝန်ရှိသည်။

၂။ လေဝင်လေထွက် ကောင်းမွန်မှု။ ။ နှစ်ရှည် စီမံကိန်း လုပ်ငန်းခွင်များတွင် လုပ်ကိုင်ရသော အလုပ် သမား များအတွက် လုပ်ငန်းခွင် နေရာသည် လေဝင်လေထွက် ကောင်းမွန်ရန် လိုအပ်သည်။ အချိန်ကြာမြင့် စွာ လုပ်ကိုင်ရသော နေရာများတွင် လေကောင်းလေသန့် ရှိရန် သဘာဝအလျှောက်ဖြစ်စေ၊ စက်ပစ္စည်း အကိုညီ များဖြင့် ဖြစ်စေ လေဝင်လေထွက် ကောင်းမွန်ရန် Blower Vent, Exhaust Vent များထားရှိပေးရမည်။ သို့မှသာ လုပ်ငန်းခွင်သည် ကျန်းမာရေးနှင့်ညီညွတ်ကာ အလုပ်သမားများအတွက် ရေရှည် လုပ်ကိုင်ရန် သင့်တော် ပေမည်။

၃။ အလင်းရောင် ကောင်းစွာရရှိမှု။ ။ လုပ်ငန်းခွင်နေရာသည် အလင်းရောင် ကောင်းစွာ ရရှိရန် လိုအပ်ပါသည်။ သဘာဝ အလင်းရောင် သို့မဟုတ် လျှပ်စစ်မီး အလင်းရောင်များ တပ်ဆင်ပေးထားရမည်။ အလင်းရောင် ကောင်းစွာရရှိမှ လုပ်ငန်းခွင်တွင် အလုပ်သမားများ တနေရာမှ တနေရာသို့ သွားလာ လုပ်ကိုင်ရာတွင် ဘေးအန္တရာယ်ကင်းရှင်းမည် ဖြစ်သည်။

၎။ တုန်ခါမှုအား ထိန်းချုပ်ခြင်း။ ။ လုပ်ငန်းခွင်တွင် စွမ်းအားမြင့် အင်ဂျင်စက်များ အသုံးပြုရ ခြင်းကြောင့် ဖြစ်ပေါ်လာသော တုန်ခါမှုများအား ထိန်းချုပ်ရန်လိုအပ်ပါသည်။ လွန်ကဲစွာ တုန်ခါမှုကြောင့် လူသို့ အန္တရာယ်ဖြစ်စေမှုအား ကြိုတင်ကာကွယ်ထားရန် အရေးကြီးသည်။ တုန်ခါသော စက်များဖြင့် နှစ်ရှည် လုပ်ကိုင်မှုကြောင့် လူ၏ခန္တာကိုယ်တွင်း ဖွဲ့စည်းမှုအား အန္တရာယ် ဖြစ်စေတတ်သည်။ ထို့အပြင် ဆူညံသော အသံများ ဖြစ်စေသော အင်ဂျင်၊ ဂျင်နရေတာစက်များအား အင်ဂျင်နီယာနည်းပညာဖြင့် ထိန်းချုပ်ရမည်။ ဆူညံသော အသံများကြောင့် နား အကြားအာရုံ ချို့ယွင်းမှု ဖြစ်စေနိုင်သည်။

၅။ အပူဒဏ် အအေးဒဏ် အကာကွယ်ပစ္စည်းများ။ ။ပူသော ပစ္စည်းများ ကိုင်တွယ်ရန်၊ အေးသော ပစ္စည်းများ ကိုင်တွယ်ရန်၊ အဆိသင့် ဓါတုပစ္စည်းများ ကိုင်တွယ်ရန်၊ သက်ဆိုင်ရာ အကာကွယ်ပစ္စည်းများ ထားရှိပေးရမည်။ စနစ်တကျ ကိုင်တွယ် အသုံးပြု နိုင်ရန် သင်တန်းပေးရန် အလုပ်ရှင်တွင် တာဝန်ရှိသည်။

၆။ အိမ်သာ သန့်စင်ခန်းများ။ ။ လုပ်ငန်းခွင်တွင် အလုပ်သမား များအတွက် သင့်တင်သော သန့်စင်ခန်းများ လုံလောက်စွာ ထားရှိပေးရမည်။ ၄င်းသန့်စင်ခန်း များအား သန့်ရှင်းမှုအတွက် နေ့စဉ် ထိန်းသိမ်းမှု ပြုလုပ်ရန် လိုအပ်ပါသည်။ အညစ်ကြေး စွန့်ပစ်မှု ကောင်းမွန်သော သန့်စင်ခန်းမှာ ရှိမှသာ အလုပ်သမားများအတွက် ဝမ်းနှင့်ပတ်သက်သော ကျန်းမာရေး ပြသနာများ မှ ကင်းဝေး မည်။

၇။ စွန့်ပစ်ပစ္စည်းများ ရေနှုတ်မြောင်းများ။ ။ လုပ်ငန်းခွင်မှ စွန့်ပစ်ပစ္စည်များ စနစ်တကျ စွန်ပစ်ရန် လိုအပ်ပါသည်။ အထူးသဖြင့် ဓါတုဆေးဝါးဓာတ်သတ္တိပါသော ရေဆိုးများအား စနစ်တကျ စွန့်ပစ်ရန်လိုသည်။ ပတ်ဝန်းကျင် လေထုညစ်ညမ်းမှု၊ ရေထုညစ်ညမ်းမှု မဖြစ်စေရန် ရေရှည်အတွက် စဉ်းစားကာ စွန့်ပစ်ရမည်။ လုပ်ငန်းခွင်တွင် ရေနှုတ်မြောင်းများလဲ ကောင်းမွန်ရန်လိုအပ်သည်။ ရေဝတ်လျှင် ခြင်များ ပေါက်ပွား လာနိုင်သည်။


အထက်ပါ အချက်လက်များသည် စာရေးသူ လုပ်ကိုင်နေသော လုပ်ငန်းခွင်မှ မြင်သိ တွေ့ထိမှုအား အခြေခံ ရေးသားခြင်းဖြစ်ပါသည်။ လိုအပ်သည်များရှိပါက အားမနာတမ်း မှတ်ချက်ပေးခြင်းဖြင့် ကူညီကြပါ ခင်ဗျာ။