Tuesday, February 22, 2011

နာမည်ဆိုးတဲ့ အက်စစ်

ကျောက်ပန်းတောင်းမြို့နယ်၊ ကျေးလက်တောရွာ တရွာမှာ -
ရှေးတုန်းက ယောင်္ကျားများ အသက်ရွယ် ရလာရင် ဒူလာ ရှူနာ ရှိုက်ကုန်း ပိန်တိ ပိန်ညောင်ဖြစ်လာတယ်။ ဒါဟာ ရောဂါကြောင့် ပိန်ခြင်းသာဖြစ်တယ်။ ရှေးဘဝကံ အကျိုးပေးကြောင့် ၉၆ ပါးရောဂါ ဝေဒနာ ခံစားရခြင်းဖြစ်တယ် လို့ မြင်တယ်။ ဘဝကံ အကျိုးပေး မကောင်းလို့ ဒီလိုအဖြစ်ကို သနားကြတယ်။ တစ်ဦးကို တစ်ဦး ဖေးမ လို့ ကူညီကြတယ်။ ရောဂါ ကြောင့် ဘဝ ကူးသွား ခဲ့လျှင်တောင်မှ အသုဘ လိုက်ပို့မည့်သူ မရှားပါ။ ဒီလို အဖြစ်မျိုးတွေဟာ ကမ္ဘာကြီး ရွာတရွာ မဖြစ်ခင်က အမှန်တကယ် ရှိခဲ့တာပါ။

ဒီအယူဆ အတွေး အမြင်ဟာ ပြောင်းသွားခဲ့ပါပြီ။ ပြီးခဲ့တဲ့ ဆယ်စုနှစ်က စလို့ ယောင်္ကျား တစ်ယောက် ပိန်တိ ပိန်ညောင် ဝါးခြမ်းပြား အဝတ်ပတ် ထားတဲ့ ပုံစံဆိုရင် အက်စစ် ကိုက်နေတယ် လို့ အပြော ခံရပီသာ မှတ်ပေတော့။ အားလုံးရဲ့ စိတ်မှာ ဆွဲထင်နေတာ တဖြေးဖြေး ပိန်လာရင် အက်စစ်ကိုက် ခံနေရတယ် မကြာခင်မှာ ရှောတော့မယ်တဲ့။ မိဘတွေက သားသမီးတွေကို ဆုံးမကြတယ်။ အဲဒီလူက ကိုယ်ကျင့်တရား ပျက်တဲ့သူ။ ယုတ်မာတဲ့သူ၊ မပေါင်း မသင်းကြနဲ့။ ဝေးဝေး ရှောင်ကြလို့။ ကျေးလက် သားဖွား ဆရာမက အတင်း တုတ် သလိုလို ပညာပေးတော့ လမ်းကြောင်း လွဲမှား သွားတာလဲ ရှိမယ် ထင်ပါတယ်။ မည်သို့ပင် ဖြစ်စေ အက်စစ် ရောဂါကတော့ တောနယ်များ အထိ ရောက်ရှိ နေလေပြီ။

အက်စစ်ကြောင့် ကမ္ဘာကြီး ရွာတစ်ရွာအဖြစ် ပြောင်းလဲ လာတာကို အပြစ် ဆိုရမလို ဖြစ်နေပါပြီ။ တကယ်တော့ ဆင်းရဲခြင်းက အဓိက ပြသနာ တခုပါ။
မိုးခေါင်ရေရှား အညာမှာ နှစ်စဉ် လူဦးရေက များလာတယ်။ အနေ အစား ခြွေတာရတဲ့ဘဝမှာ မိသားစု စားဝတ်နေရး နဲ့ ငွေကြေး အတွက် လူငယ်တွေ မြို့တက် အလုပ်လုပ်ကြ တာ ရှိလာတယ်။ ငယ်ရွယ်သူ စိတ်က ထက်တယ်။ လုပ်ချင် ကိုင်ချင်စိတ် အပြည့်ရှိတယ်။ ဆူးစမ်းတတ်တယ်။ မြို့မှာ အလုပ် လုပ်လို့ လမ်းကြောင်း မှန်ကို ရောက်တဲ့ လူငယ် ရှိသလို လမ်းကြောင်းမှားတဲ့ လူငယ်တွေလဲ ရှိလာတယ်။

လမ်းကြောင်းမှားတဲ့သူက ငွေစလေးတွေနဲ့ ကျေးလက်ရွာကို အပြန် အက်စစ် သယ်လာတယ်။ အက်စစ်ကြောင့် နေ့မြင် ညပြောက် လေးငါးယောက်ရှိတဲ့ အခါ ကြောက်လန့်လာကြတယ်။ အဲဒီကစ သာမန် ကျန်းမာရေးကြောင့် ပိန်လာတဲ့ သူတွေကိုပါ ရောပြီး ယုန်ထင်ကြောင်ထင် ထင်ကြတယ်။ အက်စစ် ကိုက်နေပြီထင်တယ်။ မယုံရင် ကြည့်နေပေါ့။ အက်စစ်က ကြောက်ဖို့ တအား ကောင်းတယ်။ သမားဆရာ တို့ အဆိုရှိတာ အနာသိ ဆေးရှိတဲ့။ အခုတော့ ကုရာနတ္တိ ဆေးမရှိ ဆိုတဲ့ ရောဂါ အက်စစ် ပေါ်လေပြီ။ ကျေးလက်နယ်တွင် အက်စစ်အား ကြောက်လန့် နေသောစိတ်များ လွှမ်းနေ၏။

ဖေးမကူညီ အကြံညဏ်ပေး ကုသရန် စဉ်းစားကြခြင်းထက် ကိုယ့်ကျင့်တရား ဖောက်ဖျက်ခြင်းအမှုကိုသာ ဖိပြောနေကြသည်။ အဆိုး မဆိုသာချေ။ ပြသနာ သည် ခြေတောက်ပေါက်ကာ အလိုလိုရောက်လာခြင်း မဟုတ်။ ပြသနာအား သယ်ဆောင်လာသူသည် အသိတရားလွတ် ဗဟုသုတမဲ့စွာ နေထိုင်ပြုမူခြင်း ကြောင့်ဖြစ်၏။ သို့နှင့် အက်စစ် ကိုက်ခံရသူသည် လူ့အသိုင်းဝိုင်းမှ ဘေးထွက် နေရန်မှတပါး အခြားမရှိ။ ကုသရန် လမ်းကြောင်းကား ပြောက်ဆုံးနေ၏။

ထို့ပြင် အက်စစ်ကြောင့် မိဘ ဆွေမျိုး အသိုင်းဝိုင်း မှာလည်း မျက်မှာ ပျက်ရ၏။ သူတို့သားပေါ့ အက်စစ်ကိုက် သေတာ။ အဲဒီရွာကလူပေါ့ အက်စစ်ကိုက်လို့ သေတာ ၂ ယောက်တောင်ရှိပေါ့။ နေရပ်ဇာတိ နာမည်ကောင်းမရှိပြီ။
ထိုမှတဖန် မြို့နယ် နာမည်ပျက်ရ၏။ ထိုမှတဆင့် …..ရှေးယခင်က သမိုင်းကောင်းသော ကျောက်ပန်းတောင်းနယ်သည် နာမည်ပျက်ရ၏။

အဆိုကောင်း ဒွန်တွဲနေသော သဘောသည်ရှိ၏။ ဘာသာတရား ကိုင်းရှိုင်း သော ရိုးသားသော ဖော်ရွှေသော သူများရှိရာ နယ်မြေသို့ အက်စစ် ရောက် လာသည်။ အထက်ပါ ဥပမာသည် အက်စစ် လမ်းကြောင်းတခုသာဖြစ်၏။ အခြားအကြောင်းများလဲရှိ၏။ သိသလောက်တော့ ရေးဦးမည်။ အေအိုင်ဒီ အက်စ် ကူးဆက်ခံ ဝေဒနာရှင်များ စာရင်းတွင် ကျောက်ပန်းတောင်းက ပါနေ၏။ ဘာကြောင့်လဲ။ HIV AIDS က လူကို ဘယ်လို ကူးဆက်တတ်သလဲ။ မကူးဆက်အောင် ဘယ်လို ဆင်ခြင်ရမလဲ မသိလို့။ အရက်သေစာ သောက်စားကာ အဖေါ်မပါပဲ ခရီးသွားမိလို့ စသဖြင့်။

ကျောက်ပန်းတောင်းမြို့တွင် ဟိုက်ဝေးမောင်း ဆယ်ဘီးကားများ ရှိ၏။ နာမည်ကြီး၏။ ကားသမားသည် နယ်စုံ ရောက်၏။ မိန်းမ လိုက်စား၏။ ကာမတနှာ သွေသားဆန္ဒသည် သတ္တဝါတိုင်းရှိစမြဲပင်။ နယ်စုံရောက်ကာ နယ်စုံမှ ရောဂါများ သယ်လာခြင်းသည် ပြသနာ တရပ်ဖြစ်၏။ ဤသည်မှာ အက်စစ် လမ်းကြောင်းတခု ဖြစ်၏။ ဇာတ်သများ နှင့် နတ်သမာများ သည်လဲ အက်စစ် သယ်ဆောင်ရာ လမ်းကြောင်း ဖန်တီးသူများတွင်ပါဝင်၏။ တသက်လုံး ဒီရွာမှာနေ ဒီရေကို သောက်၊ ဒီလင် ဒီမယား ပေါင်းသင်း နေထိုင် လာတာ ဘာမှ ဖြစ်စရာ အကြောင်း မရှိတာ လူတိုင်းအသိပါ။ နယ်လှည့် နေသူများ သတိထားဖွယ် ဖြစ်ပါသည်။

ကျောက်ပန်းတောင်း ဆရာတော်ငယ်၊ ဆရာတော် ကြီးများသည် အနယ်နယ်အရပ်ရပ်တွင် သာသနာ ပြုကြ၏။ ဒုန်လဘ ကိုရင် ဝတ်လိုသူ များအား သင်တုန်းဓါး အတူရိပ်၏။ ဇာတိပြန် လာခဲ့သော် အက်စစ် သယ်ဆောင် လာနိုင် မလာနိုင် မည်သူငြင်းမည်နည်း။ ကျောင်းသားလူငယ် များလဲ ထည့်တွက်ရမည်။ မြန်မာပြည် အနှံ့ ပညာသွားသင်ကြရာ ဇာတိမြေ သို့ အက်စစ် သယ်လာနိုင်၏။ အက်စစ် ကူးဆက် ပြန့်ပွားခြင်း လမ်းကြောင်း အား ပရော်ဖက်ရှင်နယ်များ ပိုမို ခန့်မှန်းနိုင်လိမ့်မည်။

ဇာတ်သမားတွေတော့ မကောင်းဘူး။ နတ်ကတော် တွေတော့ မကောင်းဘူး။ ဘုန်းကြီးတွေတော့ မကောင်းဘူး။ ကျောင်းသားတွေတော့ မကောင်းဘူးလို့ ပြောလိုသည်မဟုတ်။ အနီးစပ်ဆုံး ဖြစ်နိုင်ခြေ စဉ်းစားမိခြင်းသာဖြစ်၏။ အက်စစ်ကို ကာကွယ်ဖို့ အဓိကကတော့ ပညာပေးခြင်း နှင့် အကာကွယ် ပစ္စည်းများ ဖြန့်ဝေပေးခြင်းသည် ထိရောက် မည်ထင်၏။ အားလုံးလဲ စဉ်းစားမိ ကြမည် ထင်ပါသည်။ အဲဒီတော့ နာမည်ဆိုးတဲ့ အက်စစ်ကြောင့် ကျောက်ပန်းတောင်း နာမည်မပျက်ရအောင် ပညာပေး လုပ်ငန်းများ လုပ်ကြဖို့ တိုက်တွန်း လိုပါတယ်။

ဇာတိမြေကိုချစ်သော – ဆန်းဝင်း (ကျောက်ပန်းတောင်း)။

Saturday, February 19, 2011