Monday, April 25, 2011

ကြည်ပြာမုန်းတဲ့မော်တာ (အပိုင်း ၃)

တမာရွက်တို့ မြေသို့ ကြွေကျ နေ၏ ။
ပင်ယံထက်မှ ပြိုင်တူ ခုန်ချနေသည့်နှယ်။ ကြည့်နေရင်းပင် လိုက်ကာ ဖမ်းချင်နေတော့သည်။ နံနက်ခင်း နေသည် အညှိုးကြီးကာ ရက်စက်တော့မည်ထင်၏ ။ အိမ်ရှေ့ ခုံတန်းရှည်၌ ထိုင်နေရင်း တမာရွက်ကြွေများကို ရေတွက် နေမိသည်။ ဒီနေ့ ရေကို အစောကြီးချိုးလိုက်သည်။ အိမ်ရှင်က သဘောကောင်း၍ တော်သေးသည်။ ရေကိုလိုသလောက် သုံးခွင့် ပေးထားသည်။ ။ အပြင်ထွက်စရာမရှိ။ အားလပ်ရက်မို့ အေးဆေးရှိ၏။ သူငယ်ချင်းတွေဆို အိမ်ရှင်သတ်မှတ်သည့်အတိုင်းသာ ရေကို သုံးရသည်။ “ရေချိုးရင် ငါးပုံးထက် မပိုစေနဲ့” ဟု ငှက်ဆိုးထိုးသံကဲ့သို့ ပြောတတ်သည်ဟု သိရ၏။ လူများသည့် အဆောင်များတွင် နောက်ဆုံးကျသူသည် ရေအနှယ်အကပ်ကို သုံးရ၏။ ချိုးရ၏။ မသန့်သောရေကြောင့် ယားနာပေါက်တတ်သည်။ ရေသည် တကိုယ်ရေ သန့်ရှင်းရေး အတွက် အလွန် အရေးကြီးသည်။ လမ်းထိပ်ဘက်ဆီ လှမ်းကြည့်မိတော့ ကြည်ပြာ။ ဘုံပိုင်ဘေး တမာပင်အောက်က ထိုင်ခံမှာ ထိုင်နေသည်။ အခွင့်ရေးကို အကျိုးရှိစွာ အသုံးပြုရမည်။ ကြည်ပြာ့ထံ ထွက်လာခဲ့သည်။ လူတစ်ယောက် အနားရောက် လာတာ မသိလောက်အောင် ကြည်ပြာ ငိုင်နေသည်။

“ကြည်ပြာ . နင်ဘာဖြစ်နေလဲ.”
“ဘာမှ မဖြစ်ဘူး”
“ဟင်..ဘာမှမဖြစ်ဘူးဆိုတယ် မျက်နှာမကောင်းပါလား.”
“နင်မကြားဘူးလား မော်တာသံတွေညံနေတာ.”
“အော်..အဲဒါကြောင့်လား..ဘာဖြစ်လဲ ညံတာ.”
“သိချင်လား. ရေငုတ်ကို သေချာကြည့်.”
“အင်း ကြည့်တယ်. ဘာဖြစ်လဲ.”
“အေး. သေသေချာချာကြည့်. ရေနည်းနည်းပဲကျတယ်တွေ့လား. ဒီနေ့ နေရတပုံးပြည့်ဖို့ ငါအကြာကြီးစောင့်ရတယ်. အဲတော့ ဒီနေ့ ငါတို့ အိမ်အတွက် ရေဝယ်သုံးရတော့မယ်”
“နင်ကလဲ..ရေတစ်စည်မှ ၇၅ ကျပ်ပဲဟာ.. တရက်တလေ ဝယ်သုံးတာ ဘာမှ မဖြစ်ပါဘူး”
“အေးပေါ့.. ဘာမှမဖြစ်ဘူး။ ဒီနေ့ ရေမခပ်တော့ဘူး။ နင် အဲဒီရေပုံးကို ဖင်မှောက်ထားလိုက်စမ်း.။ ငါပြောပြမယ်. ဒီမှာလာထိုင်..”
“အင်း ပြော.. ငါသေချာ နားထောင်နေပါတယ်။ နင်တကယ် ဝမ်းနည်းနေတယ်နော်. ငါစပ်စုမိတာ စိတ်မကောင်းပါဘူးဟာ”
“ထားပါတော့.. နင် လမ်းထိပ်က ရေထမ်းတဲ့ ဒေါ်အေး ကိုသိလား. ”
“အင်း သိတယ်လေ. သူ့သားက ရေလှည်းတွန်းတယ်လေ.”
“အဲဒါပဲပေါ့ . ဒီမြို့ပေါ်မှာ ငါတို့လို ဆင်းရဲတဲ့ မိသားစုတွေ အများကြီးရှိတယ်။ လောကကြီးက မတရားဘူးဟယ်။ ငါမော်တာတွေ မုန်းတယ် ဆိုတာ အဲဒါကြောင့်ဟဲ့ .. စဉ်းစားကြည့်. ငါတို့ ခပ်တဲ့ ဘုံပိုင်မှာ ရေမလာဘူး အဲဒါ သဌေးအိမ်တွေက ရေကို မော်တာနဲ့ စုပ်ယူပြီးတော့ လှောင်ကန်မှာ လှောင်ထားကြလို့လေ။ သူတို့ မော်တာနဲ့ စုပ်ယူထားတဲ့ရေကို ငါတို့က ပြန်ဝယ်သုံးရတယ်။ အဲဒါ တရာသလား ဟင်.. ဒေါ်အေး တို့က ရေထမ်းခ လှည်းတွန်းခ လောက်ပဲရတာ ကိုယ့်ရေ ကိုယ်ရောင်းတာမဟုတ်ဘူး သဌေးအိမ် ရေကန်က ရေကို တဆင့်ဝယ်ရောင်းတာ။”
“အင်း.. အဲဒါတော့ မကောင်းဘူးပေါ့..ငါမှ အစက မသိခဲ့တာ”
“နင် မိဖြူ ကိုသိတယ်နော်”
“အင်း သိတယ်.”
“မိဖြူတို့ အိမ်က ချမ်းသာတယ်. အခု သွားကြည့်လေ. နင်သိလိမ့်မယ်။ ဒိချိန် သူတို့ အိမ်ရှေ့ အိမ်နောက် အေးနေအောင်လို့ ရေဖြန်းတယ်။ တခါတလဆို သူတို့ အိမ်ရှေ့လမ်းကိုတောင် ဖုန်မထအောင် ရေဖြန်းထားတယ်။ ငါ မပြောလိုပါဘူး။ ကိုယ့်ကုသိုလ်နဲ့ကိုပါ.. ရှေးဘဝ ကံနည်းခဲလို့ ဒီဘဝ ဒီလိုနေရာတာ လို့ အမေက သင်ပေးထားတယ်။ ငါလဲ အဲလိုပဲ ယုံကြည်လိုက်တယ်။”
“အင်းပေါ့. စာနာစိတ်နဲ့ မတွေးမိသေးလို့ပါ..”
“ငါ လူတွေမမုန်းပါဘူး။ လမ်းတွေ့ရင် ပြုံးပြနိုင်အောင် လေ့ကျင့်ထားတယ်။ ဒါပေမယ့် ငါရေခပ်ချိန် မှာ ဘေးအိမ်တွေက မော်တာတွေ တလုံးပြီး တလုံး ဖွင့်လို့ အသံတွေ မြိုင်လာရင် တခါတလေ ငါ ငိုတောင်ငိုမိတယ်။ အဲလိုနဲ့ ကြာလာတော့ဟာ မော်တာသံကို မကြားတောင် မကြားချင်တော့ဘူး။ … ကဲ..နင်သိပြီလား..”
“အင်း. သိသွားပြီ...”
“ငါ ဒီနေ့ ရေစောင့်ခပ် မနေတော့ဘူး။ ပြန်တော့မယ်။ အချိန်က အရမ်း တန်ဖိုးရှိတယ်။ အိမ်မှာ ထင်းရှူးသား ခွဲရဦးမယ်..”
ကြည်ပြာတစ်ယောက် ရေမပါတဲ့ ပုံးအခွံတွေဆွဲကာ ပြန်သွားသည်။ ကျွန်တော်မှာတော့ တမာပင်အောက် ထိုင်ခုံ တန်းမှာ ထိုင်လို့ အတွေးနယ်ချဲ့နေမိပြန်သည်။ ကြည်ပြာပြောတာ ဟုတ်နေသည်။ ချမ်းသာတဲ့သူများ ကျတော့လဲ အိမ်ရှေ့ အိမ်နောက် အေးပက်ဖြန်းလို့ ဆင်း၇ဲတဲ့သူတွေ ကျပြန်တော့ ရေဝယ်သုံးနေရ တယ်။ နောက်ပြီး မော်တာ။ ရေဘုံပိုင်ချင် တူရင် ရေရတာချင်း တူမည်။ အခုတော့ မော်တာဖြင့် စုပ်ယူသည်။ ကြည်ပြာ မော်တာတွေ ကို မုန်းတာ မုန်းထိုက်သည်။ ဒေါသထည့်ကာ စဉ်းစားမိပြန်သည်။ နွေနေက အစွမ်းပြလို့ ထိုင်ခုံတခြမ်း နေပူလာမှ သတိထားမိသည်။ အတွေးရပ်ကာ အိမ်ပြန်ခဲ့သည်။ ။
ဆန်းဝင်း (ကျောက်ပန်းတောင်း)။ (မှတ်ချက် = ကျွန်တော်သည် ကျွန်တော်ဖြစ်၍ ကြည်ပြာသည် ကျွန်တော်၏ ဇာတ်ကောင် ဖြစ်ပါသည်) ။

ကြက်မောက်တောင်ဆည်


ကြက်မောက်တောင်ဆည်ဟာ ပုပ္ပါးတောင်ကို အမှီပြုလို့ မန္တလေးတိုင်း၊ မြင်းခြံခရိုင်၊ ကျောက်ပန်းတောင်းမြို့နယ် (ကျောက်ပန်းတောင်း - မိတ္တီလာကားလမ်းဘေး) မှာ တည်ရှိပါတယ်။ ပုပ္ပါးတောင်ကို မြန်မာပြည်အလယ်ပိုင်း အပူပိုင်းဒေသရဲ့ အိုအေစစ်လို့ ခေါ်ဆိုကြပါတယ်။ ပုပ္ပါးတောင်ပတ်လည် သစ်တော ဝါးတောနဲ့ အေးမြတဲ့ ရေမြေ တောတောင် ကိုအမှီပြုလို့ ရွာပေါင်း ၂၇ ရွာရှိတည်ရှိပါတယ်။ (သမိုင်းအချက်လက်များအရ ဘာသာတရား ကိုင်းရှိုင်း ရိုသေသော ပျူလူမျိုးတို့၏ အဆက်အနွယ်ဝင်များ ဖြစ်နိုင်သည်)။ ပုပ္ပားလွင်ရွာ၊ ငါးရံ့ကုန်းရွာ၊ ကျောက်တံခါးရွာ၊ မြောက်တောရွာ၊ တောင်ပေါ်(တောင်)ရွာ၊ တောင်ပေါ် (မြောက်)ရွာ၊ ရွာသစ်ကလေး၊ ဆင်ဆင်းရွာ၊ နတ်ကန်လည်(နဂါးလည်)ရွာ၊ လယ်ကျင်းကောင်းရွာ၊ ပျဉ်မကြီးရွာ၊ ဆည်ရွာ၊ ရှော်တောရွာ၊ စီးမရွာ၊ ဘိုတဲရွာ၊ လွန်အိုင်ရွာ၊ ဝက်မထောက်ရွာ၊ ကျောက်ပုံရွာ၊ ဒန့်ကျင်းရွာ၊ ကင်ပွန်းခြုံရွာ၊ ညောင်ချိုင်း -၄၊ ညောင် ချိုင်း-၃၊ စုံကုန်းရွာ၊ ညောင်ပင်ဖြူရွာ၊ လဲဂရွရွာ၊ လက်ပံအိုင်ရွာ၊ ဂွေးကုန်းရွာဆိုပြီး အသီးသီ တည်ရှိကြပါတယ်။

ပုပ္ပါးတောင်မှ ဆင်းသက်လာတဲ့ ချောင်းတွေဟာ မိုးညိုလာတာနဲ့ လူဖြတ်မကူးရဲလောက်အောင် ရေစီးကြမ်းပါတယ်။ ပုပ္ပါးတောင် မြောက်ဘက် မှာ ဆင်ထဲဝချောင်း၊ လဲပင်ရိုးချောင်း၊ တောင်ဘက်မှာ တောင်ဆင်းချောင်း၊ ကျောက်ပုံချောင်း၊ ပင်းချောင်း၊ အနောက်ဘက်မှာ ပျဉ်းမချောင်း စသည် ရှိကြပါတယ်။ ကြက်မောက်တောင်ဆည်ဟာ ပုပ္ပါးတောင်မှ တောင်ဘက်ကို စီးဆင်းတဲ့ တောင်ဆင်းချောင်းနဲ့ ကျောက်ပုံချောင်းကို ပိတ်ကာ တည်ဆောက်ထားခြင်းဖြစ်ပါတယ်။ (ဆည်တည်ဆောက်သောခုနှစ် နှင့် အင်ဂျင်နီယာရင်းဆိုင်ရာ အချက်လက်ကို သိသူများ ပြောပြပေးကြပါခင်ဗျာ)။ ကျောက်ပန်းတောင်း မြို့နယ် မြိုင်သာယာရွာ၊ စမ်းကုန်းရွာ၊ အိမ်အိုရွာ၊ စည်းကန်ရွာ၊ မုန်ငန်းရွာ၊ သရက်တောရွာ၊ ပေါက်တော (အရှေ့) ရွာ၊ ပေါက်တော (အနောက်)ရွာ ၊ မန်ကျည်းကုန်းရွာ၊ ညောင်ပင်သာ၊ ရှားပင်လှရွာ၊ စည်သာရွာ၊ ချောင်းခြားရွာ၊ မင်းဂေါင်း (တောင်)ရွာ၊ မင်းဂေါင်း (မြောက်) ရွာ၊ အောင်ပဒေသာရွာ၊ အောင်ချမ်းသာရွာ၊ လက်ပန်ကျင်း(သီးကုန်းရွာ+ညောင်ရွာ+အလယ်ရွာ+ တောင်ရွာ)ရွာ၊ လယ်ကြီးရွာ၊ အိုင်မင်းရွာ အစရှိသည့် ရွာများမှ လယ်ယာ ဧကပေါင်းများစွာအတွက် ကြက်မောက်တောင်ဆည်မှ ရေကို အသုံးပြုကြပါတယ်။

ကြက်မောက်တောင်ဆည်တွင် လက်ဝဲ နှင် လက်ယာ ရေလွတ်မြောင်း နှစ်ခုရှိပါတယ်။ ယခုနှစ်များတွင် ကြက်မောက်တောင်ဆည်သည် နွေရာသီများတွင် သီးထပ်စိုက်ပျိုးရန် ရေပေးဝနိုင်မှု နည်းပါလာ ခဲ့ပါတယ်။ အရင် နှစ်တွေက မှတ်မှတ်ရရ ၂၀၀၂-၂၀၀၄ လောက်က တောင်ရေ ရေလှောင် တမံနှင့် ကျောက်တခါး ရေလှောင် တမံအား တည်ဆောက်ကာ ကြက်မောက်တောင် ဆည်အား ရေဖြည့်ရန် စီစဉ်ကြောင်း ကြားဖူးပါတယ်။ သတင်းစာများတွင်လဲ ဖတ်ဖူးပါတယ်။ ၄င်းအပြင် မုန်ငန်းဆည် မှ ရေလွဲရေများ ကြက်မောက်တောင်ဆည်သို့ မြောက်ဖောက်ကာ ရေလွှဲသည်ဟုလဲ ကြားဖူးပါတယ်။ အောင်မြင်မှု ရှိသလား မသိပါဘူး။ (သိရှိသူများ ပြောပြပေးကြပါခင်ဗျာ)။ ယခင့် ယခင်များကလဲ ကြက်မောက်တောင် ဆည် ရေနေရေးအတွက် မိုးကောင်းစေရန် ပုပ္ပါးတောင်မှ စမ်းပေါက်များရေထွက်ကောင်းစေရန် သစ်ပင်အမျိုးစားများစွာ စိုက်ပျိုးခြင်းများ ပြုလုပ်ကြောင်း ဗဟုသုတ အဖြစ် ဖတ်ဖူးပါတယ်။

ကြက်မောက်တောင်ဆည်ဟာ နွေရေ မပေးနိုင်တာ အတော်ကြာပါပြီ။ အရင်တုန်းက အထက်ပါရွာများ အားလုံး ရေရှိတယ်လို့ သိရပါတယ်။ နောက်ပိုင်းမှာ အစိုးရ စိုင်ခင်းများ နှင့် ဆည်အနီးနားရှိ လယ်ဧကများလောက်သား ရေပေးနိုင်ကြောင်းနှင့် နွေလယ်များ ရေရရန်အတွက် တောင်သူများ အငြင်းပွားရသည်လဲ ကြားဖူးပါတယ်။ လယ်ဧကများစွာ အတွက် နွေရေပေးနိုင်ရေးအတွက် လည်ဆည်ဝန်ကြီးက အထက်ပါ ကဲ့သို့သော တောင်ရေတမံ ကျောက်တခါးတမံများ တည်ဆောက်စဉ်က ကြက်မောက်တောင်ဆည် လက်အောက်ခံမှ လူထုပြောစကားတွေကြားဖူးပါတယ်။ သိပ္ပံနည်းပညာ အထောက်ထားခိုင်လုံမှု မရှိပေမယ့် ဖြစ်နိုင်မယ်လို သုံးသပ်မိပါတယ်။ ဖြစ်ပုံက ဒီလိုပါ။

ကြက်မောက်တောင်ဆည်ဟာ နှစ်အတော်ကြာ ဒေသကို အကျိုးပြဲခဲ့ပြီးပါပြီ။ ကာလကြာရှည်လာတာနဲ့အမျှ ဆည်ရေနေအကျယ်ဝန်း တိမ်ကောလာတာ ရှိကောင်းရှိပါမယ်။ မိုးကောင်းတဲ့နှစ်တွေမှာ ဆည်အောက်ခံက ရွာများ မျက်ခုံးလှုပ်ကြရပါတယ်။ သို့ပေမယ့် ဆည်ဘောင်က လုံးဝခိုင်မာပါတယ်။ နွေရောက်သည်နှင့် ဆည်အတွက် ရေအားနည်း ရသည်ကိစ္စမှာ ပြသနာ ဖြစ်ပါတယ်။ မိုးကောင်းသော်လဲ နွေလယ်ရေပေးနိုင်မှု နည်းပါးခြင်းမှာ ဆည်ရေမနေသောကြာင့် ဖြစ်နိုင်ပါတယ်။ ပထမအချက်ဖြစ်တဲ့ ရေနေဧကမှာ နှုန်းအနည်ထိုင်ကာ ဆည်တိမ်ကောလာခြင်းဟာ အနည်းငယ်သာ ဖြစ်နိုင်ပါတယ်။ အဲဒီမှာ ဒေသခံတွေပြောတဲ့ အချက်တခုက စဉ်းစားစရာဖြစ်ပါတယ်။ ဆည်ပိတ်ပြီးခါစက ဆည်အောက်မှ ရွာများ ပထမနှစ် ရေရှားပါးခြင်းကြုံခဲ့ရတယ်လို့ သိရပါတယ်။ ငါနှစ်လောက် ကြာတဲ့အခါ ဆည်အောက်က ရွာတွေဖြစ်တဲ့ မင်းဂေါင်း တောင်/မြောက် ရွာတွေမှာ ရေကို လက်ယက် ဖေါ်နိုင်တဲ့ အခြေနေကိုပြန်ရောက်လာပါတယ်။ ဆည်အောက် အနည်းငယ်ဝေးကွာသော ရွာများလဲ ရေရလို့ အဆင်ပြေ နေဖြစ်နေပါတယ်။ ယခုနောက်ပိုင်း ၂၀၀၀ ခုနှစ်ကျော်နှစ်များမှာ ဆည်ရေက နွေရာသီ လယ်ဧက အကုန်ပေးဖို့ မလုံလောက်ဖူးဖြစ်လာတယ်။ ဒေသခံတွေ ထင်ကြတာက ဆည်ဟာ ရေအောက် ရေစီးကြောင်းပေါက်သွားတယ်။ ဆည်ဘောင်ခိုင်မာပေမယ့် ရေအောက်စိမ့်ကြော ဖြစ်ပြီး ဆည်အောက် ညောင်ပင်သာရွာဘက်မှာ အရင်ကမရှိတဲ့ ရေစိမ့်စမ်းတွေပေါ်လာတယ်။ မိုးတွင်းမိုကောင်းလို့ နွေမှာ လယ်ရေ ရနိုင်မယ် မှန်းထားလဲ မရဘူးဖြစ်နေတယ်။ အပြည့်ရှိတဲ့ ဆည်ရေတွေက လူမမြင်နိုင်အောင် မြေအောက် ရေစိမ့်ကြောကနေ ဆည်ထဲက ထွက်သွားကြတယ်လို့ ဒေသခံတွေက ယူဆ ပြောဆိုနေကြတယ်။ မည်သို့ပင်ဆိုစေကာမူ ကြက်မောက်တောင်ဆည်သည် အိုမင်းရင့်ေ၇ာ်မှုကြောင့် လယ်မြေများအတွက် ရေအပြည်အဝ မပေးနိုင်သော်လဲ ပုပ္ပါးတောင်အား စိမ်လန်းစေရန် တဖန်ပြန်လည် အကျိုးပြုနေပေလိမ့်မည်။ အရာအားလုံး မမြဲသော သဘောတရားရှိပေမယ့် ကျွန်နုပ်တို့သည် အညာဒေသ၏ အိုအေစစ်အား တည်မြဲရန် ထိန်းသိမ်းကြဖို့ လိုအပ်ပါသည်။
ဆန်းဝင်း (ကျောက်ပန်းတောင်း)

ကြည်ပြာမုန်းတဲ့မော်တာ (အပိုင်း ၂)

ကြည်ပြာ..နင်တစ်ယောက်တည်း ဘာတွေသဘောကျပြီး ပြုံးနေတာလဲ.
ဒီလိုပါပဲဟာ.. နင်ကလဲ စပ်စုလိုက်တာ.
လမ်းသွားတဲ့ လူတွေက နင့်ကို ကြည့်နေကြတယ်.
ဟင်..ဟုတ်လား..အမလေး ရှက်လိုက်တာ.
တော်သေးတယ်.ရှက်လို့..ဒီမှာ ရေပြည့်တော့မယ်.
အော်..ဟုတ်သားပဲ..ကျေးဇူး.သူငယ်ချင်း တောသားလေး.

ပြောရင်းဆိုရင်းပင် ရေပုံးသစ်နှင့်လဲလှယ်ကာ ရေပြည့်ပုံးအား ဆွဲသွားသည်။ ရေဘုံပိုင်ငုတ်မှ ရေသည် ဖြေးညင်းစွာ ကျနေ၏။ ရာသီဥတုက ပူပေမယ့် တမာရိပ်မှာ ထိုင်စောင့်ရလို့ အပူသက်သာ၏။ နေပူထဲ ရေဘုံပိုင်မှရေကို စောင့်သယ်ရတာ လွယ်တော့ မလွယ်ကူ။ အခန့်မသင့်က ဖျားနိုင်သည်။ ရေသယ်ရလို့ လက်ပျင်အောင့်နိုင်သည်။ ဒါပေမယ့် ကြည်ပြာကတော့ ကျန်းမာသည်။ အဟုတ် သန်မာသည်။ တခုပဲဆိုးတာ လူကို စကားလာလာပြော ပြီးတော့ နင်နားမလည်ပါဘူးနဲ့ လုပ်သွားတာ များနေပြီ. ဒီနေ့တော့ အပြတ်သက် မေးမှဖြစ်မယ်။

မြန်လိုက်တာ..ဖြေးဖြေးသယ်ပါ ခါးနာနေဦးမယ်.
အလဲ..စိတ်ပူတယ်ပေါ့ ဒါဆို လာကူသယ်ပေးလေ.
အင်း . ဖြစ်ပါတယ်. !
လေသံက အားမရှိလိုက်တာ ဖြစ်-ပါ-တယ် တဲ့..ဟွန်း.
နင် ငါမေးတာ မဖြေသေးဘူးနော်.
ဘာလဲ.
အခုန ဘာလို့ တစ်ယောက်တည်း ပြုံးနေတာလဲ.
အော်..ဒါလား.. ဒီနေ့ မော်တာသံ မကြားရဘူးလေ။ အဲဒါ ပျော်လို့ပေါ့.
ကြည့်. နင်ကတော့ .
ဘာလဲ.
အဲဒီ မော်တာ ကိစ္စလေ. ရှင်းဦး ငါ ခေါင်းမူးလာပီ.
အော် ဒါလား. ဒါကိုရှင်းမပြခင် နင် ရေဘုံပိုင်ကို သေချာကြည့် .
ဘာလို့လဲ..
စကားမများနဲ့ သေချာကြည့် ဘာကိုမြင်လဲ..
ဟ. နင်ကလဲ ရေကျနေတာ မြင်တာပေါ့.
အေး ရေကျနေတယ်. ဟာ..!!! ရေပြည့်တော့မှာပါလား. ကဲ .သူငယ်ချင်း တောသားလေး ရေပြည့်နေပီ.
ဘေးကိုဖယ်. ရေသယ်ရမယ်။
အင်းအင်း.. လုပ်လုပ်.. ငါစောင့်နေမယ်။

ခဏနေ ကြည်ပြာ ရေပုံးထောက်ကို ညာလက်နဲ့ ချာလပတ်လည်အောင်ရမ်းကာ ပြန်ရောက်လာသည်။ သူ့ကြည့်ရတာ မမောပန်း။
ကဲ..ပြောတော့..ကြည်ပြာ..
အင်း ပြောမယ်. ဟိုနေ့တည်းက ပြောမလို့ပါ. အချိန်ကမရတာ.ဟဲ့.. ငါတို့ မိသားစုက ဆင်း၇ဲတယ်. အဖေ နဲ့ အမေ ၂ ယောက်လုံးက ဈေးမှာ အလုပ်လုပ်တယ်။ ရတဲ့ပိုက်ဆံနဲ့ စားသောက်တယ်။ ငါတို့ကို ကျောင်းထားတယ်။ အပိုငွေ သိပ်မရှိဘူးလေ။ အိမ်မှာ အားလုံး အလုပ်ကိုယ်စီ ရှိကြတယ်။ ငါက သောက်ရေ သုံးရေ တာဝန်ယူရတယ်။ နိုင်ရာပေါ့နော်။
အင်း.. ဆက်ပြော.။
နင်မြင်တဲ့အတိုင်းပဲလေ... ဒါနဲ့ နင်ရော အိမ်မှာ ဘာလုပ်လဲ ရေသယ်ရလား.။
ဟင့်အင်း. မသယ်ရပါဘူး. ငါတို့အိမ်က အိမ်မှာ အဝီစိတွင်း ရှိတယ်. စက်နိုးလိုက်တာနဲ့ ပိုက်က ရေထွက်လာ တယ်. ရေကန်ထဲရောက်တယ်လေ။ တခါတလေ အိမ်က အုတ်ကန်ရေ အေးလို့ မချိုးနိုင်ရင် ချောင်း ထဲသွားချိုးတယ်။ လက်ပြစ်ကူးလို့ရတယ်လေ။
အင်း..အဲဒါပေါ့ .. ငါ နင်တို့ တောရွာကို အားကျမိတာ. တို့မြို့မှာ နွေရာသီဆို ရေရှားတယ်ဟဲ့. ဒီနေ့ နေသာတယ်. နောက်ပီးတော့ မော်တာသံ မကြားဘူး. ကြည့်လိုက် ဘုံပိုင် ရေငုတ်ကို.. အဲတော့. .ရေပြည့်နေပီ..
အင်း ဟုတ်သားပဲ. ငါကူငယ်ပေးမယ်လေ.
အမလေး မလိုပါဘူး. ကဲ.. နောက်မှ ဆက်ပြောမယ်နော်။
ဒါနောက်ဆုံးအခေါက်ပဲ ဒီနေ့ ရေလုံလောက်သွားပြီ. ရေပြည့်သွားပြီ။ ဘိုင်ဘိုင် သူငယ်ချင်းလေး ။ တောသားလေး။

ဟင်း...... အင်းပါ အင်းပါ..

အဲဒီနေ့က ကြည်ပြာကို မကြေနပ်ဘူး။ ပြောပြမလိုလိုနဲ့ စကားကိုဝှေ့နေတယ်။ စိတ်တိုတိုနဲ့ မလှပတဲ့ သူမ ကျောပြင်ကို မကြည့်ချင်တော့။ ရေဘုံပိုင်မှ လှည့်ထွက်ကာ အိမ်ပြန်လာခဲ့သည်။

ဆန်းဝင်း (ကျောက်ပန်းတောင်း)။ (မှတ်ချက် = ကျွန်တော်သည် ကျွန်တော်ဖြစ်၍ ကြည်ပြာသည်
ကျွန်တော်၏ ဇာတ်ကောင် ဖြစ်ပါသည်) ။

ဝမ်းသာသောနေ့ .. ဒီနေ့

မနက်ကြီးက အိပ်ယာထ နောက်ကျတယ်။
အခန်းမှာ လူကုန်သွားမှ လူးလှိမ့်ထကာ အလုပ်သွားဖို့ အမြန်လှုပ်ရှားပြင်ဆင်ရတယ်။
ဝုန်း ခနဲ အခန်းတခါးကို ပိတ်လို့ အပြေးဆင်းခဲ့တယ်။ ကံကောင်းလို့ ဖယ်ရီမှိတယ်။

အလုပ်ရောက် ကွန်ပျူတာဖွင့် သတင်းပလင်းဖတ် ဒါက နေ့စဉ် နိစ္စဓူဝ။
ဆန်းဝင်း (ကျောက်ပန်းတောင်း) ဘလော့ဂ်ကို ဖွင့်မရတာ ကြာပြီ။ စိတ်လဲ မလန်းတာနဲ့ ဘာမှ မလုပ်ဖြစ်ဘူး။
ဖွင့်ကြည့်ပြီး စိတ်လေတယ်။ ဒါတောင် အရဲစွန့်ဖွင့်တာ။ ကိုယ့်ဘလော့ကိုယ်ဖွင့်တာနဲ့ ကွန်ပျူတာပဲ ပျက်တော့မလို ဂူဂဲက သတိပေးစာမျက်နှာ ကြောင့်ပါ။ ကွန်မင့်တွေ အကုန်ဖျက်လိုက်တယ်။ လင့်ချိတ်ထားတာတွေလဲ ဖျက်လိုက်တယ်။ အဆုံးခံလိုက်တော့မယ် စိတ်ကူးသေးတယ်။ တချို့သော ပိုစ်များက ကျောက်ပန်းတောင်းဆိုဒ်မှာ ကော်ပီ ကူးထားသေးတယ်။ ကျန်တာတွေက ပေါက်ကရတွေ။

ပေါက်တတ်ကရ ရေးပေမယ့် ၂၀၀၈ တည်းက ရှိနေတဲ့ ပိုစ်လေးတွေ နှမြောနေပြန်ရော။
ဒီနေ့မှ စိတ်ကူးပေါက်ကာ ကိုယ့်ဘလော့ဂ် ကိုယ်ပြန်ဖွင့်ကြည့်တော့ အိုကေနေတယ်။

ဒါနဲ့ နည်းနည်း ပြင်လိုက်တယ်။

ဆန်းဝင်း (ကျောက်ပန်းတောင်း) ပြန်လည် အသက်ဆက်ရှင်သန်နေလို့ ဒီနေ့ ဝမ်းသာပီတိ ဖြစ်မိတယ်။
နှစ်သစ်မှာ မင်္ဂလာပါ။ တကယ့်ကို မင်္ဂလာပါပဲ။
လမ်းကြုံ လမ်းမှား ဖြစ်ဖြစ် တမင်တကာ ဖြစ်ဖြစ် လာလည်သူ မိတ်ဆွေများ ကျေးဇူးတင်ပါကြောင်း။

အားလုံး နှစ်သစ်မှာ ပျော်ရွှင်ချမ်းမြေ့ပါစေ။