လက်ဖဝါးပေါ်က အရေးအကြောင်းများ။

တနင်္ဂနွေရဲ့ ရာသီဥတုက မိုးသားတိမ်တိုက်တို့ အုံ့ဆိုင်းလို့နေတယ်။ ဘယ်ကိုမှ သွားချင်စိတ် မရှိဘဲ အခန်းအောင်းကာ တီဗွီကြည့်နေရင်း လက်နှစ်ဖက်ကို ဖြန့်ကာ သေချာ ကြည့်မိတယ်။ လက်ဖဝါးက အရေးအကြောင်း လက္ခဏာတွေ ပြတ်သား ထင်ရှားစွာ မြင်နေရတော့ အံသြနေ မိတယ်။ အရင်ကဆို လက်ဖဝါးနှစ်ဖက်စလုံး အရေးအကြောင်း တွေက များလိုက်တာ။ ကျွန်းခံနေတာ မဟုတ်ပါ၊ မကြည့်ချင်အောင် ခြုံတွေထူထပ် နေတယ်တောင် ထင်ခဲ့ရတယ်။ အခုမှ တော်တော် ထူးဆန်းနေတယ်။



အဲဒီအကြောင်း အတူနေ အကိုကြီး တစ်ယောက်ကို ပြောပြမိတယ်။ သာမန်ပါပဲ -“ကျွန်တော်လက်က လက္ခဏာတွေ အရင်နဲ့မတူဘူး ထင်ထင်ရှားရှား မြင်လာရတယ်” လို့ ပြောရင်း သူကလဲ စိတ်ဝင်းစားသွားတယ်ထင်တယ်။ “ပြစမ်းပါဦးကွ” ဆိုပြီး လက်နှစ်ဖက်ကို သေချာ ယှဉ်ကြည့်တယ်။ သူက ပြောသေးတယ် “အကိုက အရမ်းနားလည် လို့တော့ မဟုတ်ဘူး ကိုင်ရိုစာအုပ်ဖတ်ပြီးတည်းက လက္ခဏာကို စိတ်ဝင်းစားလို့ လေ့လာခဲ့တယ်၊ နည်းနည်း ပြောကြည့်မယ်” တဲ့။ ဒါနဲ့ ကျွန်တော်လဲ လုပ်စမ်းပါဦးပေါ့ သိချင်စိတ်နဲ့ ဆက်မေးမိတယ်။ ပညာရေး၊ ကျန်းမာရေး၊ နှလုံးသားရေး နဲ့ အောင်မြင်ရေး အကြောင်းတွေ သူပြောပြတယ်။

ထူးထူးခြားခြား ကျွန်တော့ကို သူပြောပြတာ တခုရှိတယ်။ “ညီက မွေးရပ်မြေကို လုံးဝစွန့်ခွာ ရမယ့် လူတစ်ယောက်ပဲ” တဲ့။ သေချာ၇ဲ့လားဗျာ ဆိုတော့ သေချာတယ် ညီ့ရဲ့ လက္ခဏာမှာ ထင်ထင်ရှားရှား ပါနေတယ်တဲ့။ အဲဒီမှာ စပြီး ကျွန်တော် ဝမ်းနည်းတဲ့စိတ်ဝင်လာတော့တာပဲ။ တကယ်ဆို မွေးရပ်မြေကို လွမ်းလို့ကောင်းနေဆဲ အချိန်ပါ။ စင်္ကာပူနိုင်ငံကို ခေတ္တ ခဏ အလုပ်လာလုပ်တယ်။ ပြီးရင် အဖေ အမေရှိတဲ့ မွေးရပ်မြေကို ပြန်မှာပေါ့။ ခဏတာခွဲခွာ နေရတာတောင် လူပင်ပန်း စိတ်ပင်ပန်း ရာသီစာတွေလွမ်းလိုက်ရတာ။ အခုလို မွေးရပ် မြေကို လုံးဝစွန့်ခွာရမယ်ဆိုရင်ဖြင့် .. အပြင်မှာလဲ မိုးတွေအုံနေဆဲ.. သက်ပြင်းတွေ အခါခါချလို့ ခုတင်ပေါ် ပြန်လှဲကာ အတွေးများ နယ်ချဲ့ နေမိတယ်။ ကျောက်ပန်း တောင်းမြို့ ဆိုတာ နယ်နယ်ရရမြို့မှ မဟုတ်ဘဲ။ ရာဇာဝင်နဲ့ သမိုင်းနဲ့။ အချစ်ကြီးတဲ့ ရိုးသားတဲ့ လူတွေ ရှိတဲ့မြို့.......။

ငယ်ငယ်က။ အဖေ မြို့ကို ပဲတွေ နှမ်းတွေ သွားရောင်းတဲ့အခါ တအား လိုက်ချင်ခဲ့တယ်။ မြို့ကို မလိုက်ရတဲ့ အခါများဆို ငိုရတာ အမော။ ကျောက်ပန်းတောင်းမြို့ပေါ်မှာ လူတွေအများကြီးနဲ့ ကားတွေမျိုးစုံ၊ မြင်းလှည်းတွေ ဆိုင်ကယ်တွေ စက်ဘီးတွေ ကြားမှာ လမ်းလျှောက်ရင်း ငေးရတာ ပျော်စရာကြီး။ ဆယ်တန်းနှစ်ရောက်တော့ ကျောက်ပန်းတောင်းမြို့ပေါ်က ဗိုလ်ချုပ်လမ်း ဆရာမ ဒေါ်ယဉ်ယဉ်အေး (မြို့ရှေ့ကျောင်း ဆရာမ) အိမ်မှာနေလို့ ကျောင်းတက်။ အထက (၁) ဆိုတာ ကျွန်တော်နေခဲ့တဲ့ အထက်တန်းကျောင်းကြီးပေါ့။ ကျောင်းရှေ့ ကွင်းပြင်ကျယ်ကြီးထဲမှာ နိုင်ငံတော် အလံ အလေးပြုဖို့ တန်းဆီကြတော့ ရင်တွေတုန်နေမိသေး။ အစိမ်း အဖြူ တူညီ ကျောင်းဝတ်စုံ တွေနဲ့ မူလတန်းမှ အထက်တန်းထိ ကျောင်းသူ/သား တွေနဲ့ နိုင်ငံတော်သီချင်း သံပြိုင်ဆိုတော့ ပဲ့တင်ထပ်လာတဲ့ အသံက ကျောထဲစိမ့်အောင်ပင် ကျက်သီးထမိပါရဲ့။

ပထဝီမှာ သင်ရတယ် မြန်မာနိုင်ငံ အလယ်ပိုင်းက ရေမြေတောတောင် သဘာဝအကြောင်းတွေ၊ ရာသီဥတုအကြောင်းတွေကို။ အမြင့်ပေပေါင်း ၄၉၈၁ ပေမြင့်တဲ့ ပုပ္ပားတောင်ဟာ ကိုယ့်မြို့ အနားမှာ ရှိတော့ ခဏခဏ ရောက်ဖူးတယ်။ ဟိုတလောက သတင်းတွေထဲမှာ ပုပ္ပားတောင်ကလပ်က မြောက် တွေထက် မြောက်စာရောင်းတဲ့လူတွေက ပိုကြောက်ရတယ်လို့ ဖတ်ရသေးတယ်။ မဖြစ်သင့်ဘူး။ ယခုဆို ပုပ္ပားမှာ ငှက်ပျောသီးတွေ ဘယ်ဈေးရှိမလဲ။ ဆေးပင်ဆေးမြစ်တွေရော ရှိရင်း စာရင်း တွေထဲက ခုန်းဆင်းသွားလေမလား။ အေးမြတဲ့ဆောင်းရာသီ ဒီဇင်ဘာ အားကစားလမှာ ပုပ္ပားတောင် တက်ပွဲ ကျင်းပတာ မှတ်မိတယ်။ စောစောအိပ်လို့ စောစောထိလို့ မြူနှင်းများကြားမှာ လမ်းလျှောက် ချင်သေးတယ်။ အဲဒီအချိန်မှာ အိမ်ချင်မူးတူးနဲ့ ကျောင်းသားတွေ ရဲ့ စာကျက်သံတွေ ကြားနေရ လိမ့်မယ်။ မကြာခင်မှာ ဆောင်းဝင်တော့မယ်။

ဆက်ရန်။ ။
ဆန်းဝင်း (ကျောက်ပန်းတောင်း)

မှတ်ချက် = ပြီးခဲ့တဲ့ ရက်ပိုင်းက ကျွန်တော့်မေး အဟတ်ခံရပါတယ်။ ဂူဂဲကို ရီကွက် လုပ်လို့ အခုပြန်ရပါပီ။ ထူးခြားမှုတော့ မရှိဘူး။

ဘာကြောင့်လဲ

စင်္ကပူနိုင်ငံက
သဘောင်္ကျင်းမှာ ဂျပန်ပိုင်တဲ့ သဘောင်္တစ်စီးကို ပြင်နေပါတယ်။

ပြင်တဲ့ဘက် -
အီလက်ထရီကယ် ပြင်တဲ့သူ .. မြန်မာလူမျိုးဖြစ်တယ်.
မစ်ရှင်နရီဆိုဒ်က ပြင်တဲ့သူ .. မြန်မာလိုမျိုးဖြစ်တယ်.
စတီး စထရက်ချာ ပြင်တဲ့သူ .. မြန်မာလူမျိုးဖြစ်တယ်.
စတေ့ဂျင် ညဏ်ဆင်တဲ့သူ .. မြန်မာလူမျိုးဖြစ်ပြန်တယ်.

သဘောင်္က -
ထမင်းချက်တဲ့ချက်ကြီက - မြန်မာလူမျိုးဖြစ်နေရော..
အင်ဂျင်နီယာ စက် ၁ ၊ စက်၂ ၊ စက်၃ ... မြန်မာလူမျိုးတွေပဲ.
လျှပ်စစ်အင်ဂျင်နီယာ ဓာတ်ကြိုးလဲ .. မြန်မာပဲဗျာ..

အားလုံး မြန်မာတွေချည်းပဲ ဘာလို့ သူများနိုင်ငံမှာ လာလုပ်နေရတာလဲ.. အဲဒါဘဇာကြောင့်လဲ.. :P

ဒီလိုပါပဲ မတည်မြဲခြင်းက

ဓာတ်ပုံတွေကို ဖဘ - မှ ဦရဲမြတ်သူ (အယ်လဖာ) ဆီမှ ဘတ်လာပါတယ်။ ကြည့်ချင်တာ ကြည့်ကြကုန်လော့..

ကျောက်ပန်းတောင်းအသင်းဆိုတာ

မြတ်စွာဘုရားရှင်က ရဟန်းတော်များကို "ချစ်သားတို့ ဒါနရဲ့ အကျိုးကို ငါဘုရား သိသလိုသာ လူတွေ သိကြမယ်ဆိုရင် စားမယ့်ဆဲဆဲ ထမင်းလုပ်ကိုတောင်မှ စွန့်ပြီးလှူကြလိမ့်မည်" ဟုဟောကြားတော်မူခဲ့ပါသည်။

မြန်မာနိုင်ငံအနှံအပြားတွင် အများအကျိုးကို ကိုယ်ကျိုးစွန့် ဆောင်ရွက်နေသူများရှိပါသည်။ အချိန်ပိုင်း ဆောင်ရွက်နေသူများရှိသလို အချိန်ပြည့်ဆောင်ရွက်နေသူများလည်း ရှိပါသည်။

ကိုယ်ကျိုးစွန့်ဆောင်ရွက်တတ်မှု့သည် လူ့အရည်သွေးတစ်ခုဖြစ်ရာ ဤသို့သော သူများကြောင့်လည်း ကမ္ဘာလောကကြီးပိုမိုလှပ သာယာနေခြင်းဖြစ်၏။

အဝေးရောက် ကျောက်ပန်းတောင်းအသင်းသည် စနစ်တကျဖွဲ့စည်းထားသောအဖွဲ့မဟုတ်စေကာမူ ညီညွတ်၏၊ စည်းလုံး၏၊ တစ်ဦးကိုတစ်ဦးလေးစား၏၊ ချစ်ခင်ကြင်နာ၏၊ အနစ်နာခံတတ်ကြ၏။ ထိုစိတ်ထား များသည် ကျွန်တော်တို့ ကျောက်ပန်းတောင်းသူ/သား များ၏ ခေတ်အဆက်ဆက် လက်ဆင့်ကမ်းပေးသော အဖိုးတန်ဆုံးသော စိတ်ဓါတ်များလည်း ဖြစ်ပါသည်။

ကျွန်တော်တို့သည် ကယ်တင်ရှင်များမဟုတ်ပါ။ အခြေအနေပေးသမျှနှင့် မြန်မာပြည်တွင် မပြည့်စုံရှာသော သားချင်းများကို ကျွန်တော်တို့တတ်နိုင်သလောက် ဖြည့်စွမ်းပေးနေခြင်းဖြစ်ပါသည်။ ကျွန်တော်တို့ရဲ့ ရည်ရွယ်ချက် တွေကို ပြောပြတဲ့အခါ တစ်ချို့က ဆင်းရဲတာ တစ်နိုင်ငံလုံးနည်းပါး ဖြစ်နေတယ် ဘယ်ဖြစ် နိုင်မလဲဆိုသော အပြုသဘော မဆောင်သည့် ဝေဖန်စကားများပြောလာကြပါသည်။

ဆရာဖေမြင့်ဘာသာပြန်ထားသော နှလုံးသားအဟာရ ရသစာများထဲကလို တခြားသူတွေအတွက် မထူးချင်နေရမည် ကျွန်တော်တို့လှူလိုက်သော နေရာအတွက် အကျိုးကျေးဇူး ထူးသွားမည့်သာဖြစ်ပါသည်။

ယ္ခုဆိုလျှင် လိုအပ်နေသည့် နေရာများထဲမှ ၁လ(သို့)၂လ တစ်ခါလောက်တော့ တစ်နေရာရာတွင် ကျွန်တော် တို့ရဲ့ စည်းလုံးခြင်းအင်းအားများ၊ သဒ္ဓါတရားအင်းအားများကြောင့်အကျိုး ထူးမည်ဖြစ်ပါသည်။ ဤသို့ဆိုလျှင် အဘယ်မျှ ကြည်နူးသာဓု ခေါ်ဘို့ကောင်းလိုက်ပါသနည်း။ စဉ်းစားကြည့်ယုံဖြင့် ပီတိများစွာဖြစ်ရပါသည်။

ယ္ခုလိုအကျိုးကျေးဇူးရရှိခံစားသွားမည့်သူများသည် ကျွန်တော်တို့၏ သွေးသားချင်းများ မြန်မာပြည်သူ/ သားများဖြစ်ကြပါသည်။ (မြန်မာဆိုသည်မှာ မြန်မာပြည်ရှိ လူမျိုးအားလုံးကို ကိုယ်စားပြု ခြင်းဖြစ်ပါသည်)

ကျွန်တော်တို့၏ ဘာမှမပြောပလောက်သော ဆောင်ရွက်ချက်ကလေးများသည် လိုအပ်နေသည့် နေရာများ အတွက်တော့ အင်မတန်မှ အဖိုးထိုက်တန်သော အရာများပင်ဖြစ်ပေလိမ့်မည်။ အဘယ့်ကြောင့်ဆိုသော် ထိုသူတို့အဖို့ မရှိမဖြစ်လိုအပ်နေသောအရာများသည် ကျွန်တော်တို့အတွက် ပြောပလောက်သော
ပမာဏ မဟုတ်သောကြောင့်ဖြစ်ပါသည်။

လူတိုင်းလူတိုင်းသည် ကိုယ့်သမိုင်း ကိုယ်ရေးနေကြသည်ဖြစ်ရာ ကုန်ဆုံးသွားခဲ့သော မိမိတို့ ဘ၀တွင် ငါအများအကျိုးအတွက်၊ ပရဟိတ အတွက် မည်မျှလုပ်ဆောင် ခဲ့ဖူးသလဲ၊ ကိုယ်ကျိုးမသယ် အမြတ်အစွန်း မထွက်မဲ့ ပရဟိတ ကိုစေတနာပါပါဖြင့် ဘယ်လောက်များ စွမ်းဆောင်ခဲ့ဘူးသလဲ ကိုယ့်ကိုယ် ကိုမေးမြန်းခဲ့ ဘူးပါသလား?။ ဟိုးငယ်စဉ်ဘ၀ ကကျောင်းက ဆရာ/မ များက သင်းပေးသော "ကောင်းမှု့တစ်ခု နေ့စဉ်ပြု" ဆိုတာတွေဘယ်မှာ ကျပျောက်ခဲ့ကြပြီလဲ။

ကျွန်တော်တို့သိထားတဲ့ ကိုယ်ကျိုးမဖက်၊ အများအကျိုးကိုသာဆောင်ရွက်နေသူတွေများစွာရှိပါသည်။ ကျွန်တော်တို့သူတို့လောက် မလုပ်ဆောင်နိုင်သေးပါ။ ကိုယ့်အကျိုးမဖက် များအကျိုးကို မလုပ်ဆောင်နိုင် သည့်တိုင် ကိုယ့်အကျိုးစီးပွါးကို လုပ်နေရင်း အချိန်အနည်းငယ်လောက်၊ ငွေကြေးအနည်းငယ်လောက်နှင့် လုပ်ဆောင်နေကြခြင်းဖြစ်ပါသည်။

အဝေးရောက် ကျောက်ပန်းတောင်းအသင်းသို့ ပြည်တွင်းပြည်ပ မှ မည်သူမဆို အသင်းဝင်နိုင်ပါသည်။ အသင်းဝင်မဟုတ်လျှင်လည်း လှူဒါန်းလိုသူတိုင်း ဆက်သွယ်လှူဒါန်းနိုင်ပါသည်။ အလှူငွေရရှိမှု့ အပေါ် မူတည်၍ ၁လ (၁) ကြိမ် (သို့) ၂လ (၁) ကြိမ် အလိုအပ်ဆုံးနေရာ သို့ လှူဒါန်းသွားမည် ဖြစ်ပါသည်။ သို့ဖြစ်ပါ၍ အလှူငွေရရှိမှု့မှာလည်း အရေးကြီးလှပါသည်။ ယ္ခု စင်္ကာပူတွင်ပင် ကျောက်ပန်းတောင်းသူ/သားများ ခန့်မှန်းခြေအယောက် (၇၀) ခန့်ရှိပါသည်။ နာမည် အတိအကျ နှင့် သိရှိရသူပင် အယောက် (၅၀) ၀န်းကျင် တွင် ရှိပါသည်။
တစ်ယောက်ဆီမှ အလှူငွေ တစ်လ (၁၀) သာ လှူနိုင်လျှင်ပင် တစ်လ လျှင် အနည်းဆုံး S$(700) ခန့်ရရှိနိုင်ပါသည်။ တစ်လလျှင် $(10) ထက်ပို လှူမည့်သူများလည်းများစွာရှိနိုင်ပါသည်။

ထို့ကြောင့် မိမိ ကိုယ်စီ အတွက် မပြောပလောက်သော ပမာဏလေးများ အမြောက်အများ စုပေးနိုင်လျှင် တစ်ကယ် လိုအပ်နေသော ကိုယ့်မွေးရပ်မြေမှ သွေးချင်းများအတွက် လိုအပ်နေသော ကွပ်လပ်လေးများအား ကူညီဖြည့်ဆည်းပေးနိုင်ပါလိမ့်မည်။

ယ္ခုလက်ရှိတွင် ကျောက်ပန်းတောင်းအသင်းသား ဦးရေ (၃၅) ဦးရှိပါသည်။ အသင်းဝင် မဖြစ်သေးသော သူများသည် အသင်းအား မသိသေးသော ကြောင့်ဖြစ်ပါသည်။ ထိုသူများအား လည်း အသင်းတည်ရှိနေခြင်းအား သိရှိစေရန်နှင့် အသင်းဝင် ဖြစ်လိုသူများ အသင်ဝင်နိုင်ရန် ရည်ရွယ်၍ ဤစာအား ရေးသားခြင်းဖြစ်ပါသည်။

ဤစာအား forward ပြုလုပ်ပေးခြင်း၊ အသိပေးပြောကြားခြင်းများဖြင့် အသင်းအား ကူညီပေးကြပါရန် မေတ္တာရပ်ခံအပ်ပါသည်။

အသင်း ရေရည်တည်တံ့ရေးအတွက် အသင်းအတွက် လုပ်ဆောင်ရန်လိုအပ်နေသော နေရာများတွင် တတ်နိုင်သလောက် ကူညီလုပ်ဆောင်ပေးမည့် အသင်းသူ/သားများလည်း အမှန်တစ်ကယ် လိုအပ်နေပါ သေးသည်။ သို့ဖြစ်ပါ၍ အသင်းအတွက် ကူညီဆောင်ရွက်လိုသူများလည်း ဆက်သွယ် ၍ မိမိ တတ်နိုင်သည့်ဘက်မှ ပါဝင် ကူညီအားဖြည့်ပေးကြရန် မေတ္တာ ရပ်ခံ နှိုးဆော်အပ်ပါသည်။

နှမ်းတစ်စေ့ နှင့် ဆီမဖြစ်သော်ငြားလည်း နှမ်းအစေ့ပေါင်း များစွာ စုစည်းခြင်းအားဖြင့် ကျွန်တော်တို့၏ ရည်ရွယ်ချက်တိုင်း အောင်မြင်စွာ လှူဒါန်းနိုင်ရန် မိမိ တို့တတ်နိုင်သည့်

ဘက်မှ မိမိတို့တတ်နိုင်သည့် ပမာဏလေးများ ပါဝင် ကူညီကြစေလိုပါသည်။ ကျွန်တော်တို့ ကျောက်ပန်းတောင်း အသင်းသည် ကိုယ့်မွေးရပ်မြေ ဖြစ်သော ကျောက်ပန်းတောင်း ဒေသ အတွက် လုပ်ဆောင် နေခြင်းသည် ပုဂ္ဂိုလ် စွဲ အားဖြင့် လုပ်ဆောင်နေခြင်းမဟုတ်ပါ။ လက်ရှိအခြေနေအရ မိမိတို့တတ်နိုင်သည့် နိုင်ရာဝန် ထမ်းနေခြင်း သာဖြစ်ပါသည်။ အမှန်တစ်ကယ် လိုအပ်နေသော မြန်မာပြည်တွင်းရှိ နေရာဒေသ တိုင်းအားလှူဒါန်းချင် ကြပါသည်။ အသင်း၏ တိုးတတ်အောင်မြင် လာမှု့အပေါ်မူတည်၍ အခြားသော မြည်မာပြည် နေရာအနှံ့တွင်လည်း လှူဒါန်းသွားရန် ရည်ရွယ်ချက်ရှိပါကြောင်း အသိပေးပြောကြားအပ်ပါသည်။


အလှူငွေစာရင်းအား လစဉ် ၁၅ ရက်နေ့တွင် ဖေါ်ပြပါမည်။ သို့ဖြစ်ပါ၍ အသင်းဝင်များ အနေဖြင့် လစဉ် ၁၅ ရက်နေ့ အမှီ အလှူငွေထည့်ဝင်ပေးပါရန် မေတ္တာရပ်ခံအပ်ပါသည်။

အသင်းဆိုဒ်လိပ်စာ မှာ www.kyaukpadaung.com ဖြစ်ပါသည်။ အကြံပေးချက်များအား kpg.kyaukpadaung@gmail.com သို့ပေးပို့ အကြံပေးနိုင်ပါသည်။

လေးစားစွာဖြင့်
အဝေးရောက် ကျောက်ပန်းတောင်းအသင်း

အမေ့ကျေးဇူးပြန်အောင်းမေ့ခြင်း

တကယ်ဗျာ.. မနေ့ညနေက အမေ့ကို တော်တော်လေး သတိရနေမိတယ်။
အလုပ်က ပင်ပန်းလာလို့ အိပ်ရောက် ခဏနား ပြီး ညစာ၊ နောက်နေ့စာ အတွက်ချက်ရတယ်။ ထမင်းဟင်း ချက်နေရင်းနဲ့ အမေ့ကို သတိရနေမိတယ်။ ကိုယ်တစ်ယောက်တည်းအတွက်ပဲ ချက်ရတာတောင် တခါတခါ သဘောက မကျချင်ဘူး။ ချက်ပြီး ဝဲပြစ်လိုက်ရတာ တခါခါရယ်။

အမေက လူတွေအများကြီးစာချက်ရတာ။ မိသားစုဝင် များတယ်။ အမဲသားမစားဘူး။ ဝက်သားမစားဘူး။ ငရုပ်သီး အစပ်ကြောက်တယ်။ စပ်စပ်လေးမှ။ အလုပ်ကိုများနေရော။ အမေ စိတ်ပျက်လို့ ငြီးသံ တခါမှ ကျွန်တော် မကြားခဲ့ရဖူးဘူး။ အဆင်ပြေအောင် လုပ်ပေးတယ် ချော့မော့ကြွေးတယ်။ မိဘများ စေတနာထား ဒုက္ခခံတာကို ပြန်အောင်းမေ့ပြီး အမေ့ကို သတိရနေတာ တအား။

ဝမ်းကွဲ ညီငယ်တစ်ယောက် ပေါ့..... ဝတုတ်တုတ် ပေါတောတော နဲ့ အော်ကြီးဟစ်ကျယ် .. သူ့ အမေကို အော်ပြောတယ်.. “““အမေ... ထမင်းစားမယ်. ထမင်းခူးပေး ....... ””” သူ့ အမေက “ထမင်းမကျက် သေးဘူး ကွဲ့ သားရဲ့.....” ပြန်ဖြေတယ်။ ဒါကိုပဲ... သူက “““ဟာဗျာ... မကျက်.ကျက်ကျက် ခူးပေးဗျာ.. ဗိုက်ဆာလှပြီ... ””” တဲ့လေ...။ ငယ်သေးတော့လဲ ဘာမှ မသိရှာသေးဘူးပေါ့။

ပြန်စဉ်းစားကြည့်မိတယ်.. ငယ်ငယ်က အဲလိုတော့လဲ ဆိုးခဲ့ပါဘူး။ အမေ အလုပ်များတာလဲ သိတယ်။ မအားလပ် တဲ့ကြားက သားကြီး သားငယ် အဆင်ပြေအောင် ချော့ရ၊ ထိန်းရ တာလဲ သိတယ်။ ထမင်းစားရင် နောက်ဆုံးမှ စားတတ်တာလဲသိတယ်။ အမေကလဲ အတူစားမယ်လေ. ဆိုတော့မှ စားတယ်။ ထမင်းစားပြန်တော့ အမေ့ ထမင်းပန်းကန်ထဲ အသားတုံးတွေ ထည့်ပေးတော့ .. သွားကြားညပ်မှာ ဆိုးလို့တဲ့။ သားပဲစားပါတဲ့။ ပြန်တွေးမိရင် အမေ့ကို ပိုလို့ လွမ်းမိ သတိရမိတယ်။

အဲလိုနဲ့ အမေ့အကြောင်း စဉ်းစားရင် ချက်ပြုတ်ပြီးလို့ နားမယ်ကြံတော့ အဝတ်တွေက မလှန်းရသေးဘူး။
ဟာာား ...ဘဝ.. မလွယ်ပါလားနော်.. ။

ပြားနေတာပဲကောင်းပါတယ်

ငါ ။
တော်တော် တုန်းတဲ့ ငါ ။

လောက ။
တော်တော်ရှုပ်ထွေးတဲ့ လောက။

ခက်တယ်။
ငါ့အတွက် တော်တော် ခက်တယ်။

လွယ်တယ်။
သူများတွေအတွက် လွယ်တယ်။

အံမ၀င်ဘူး။
ငါ့ရဲ့နားလည်မှုတွေ လောကနဲ့ အံမဝင်ဘူး။

စောက်ရူး။
တကယ်တော့ ငါဟာ ဘာမှမသိ နားမလည်တဲ့ စောက်ရူး။

ပြားနေတာပဲကောင်းပါတယ်။
တခါတလေ ကမ္ဘာကြီးက ပြားနေတာပဲကောင်းပါတယ်။

kyaukpadaung.com

အဝေးရောက် ကျောက်ပန်းတောင်းအသင်း www.kyaukpadaung.com

ရည်ရွယ်ချက်များ
၁။ စုပေါင်းအားဖြင့် ကျောက်ပန်းတောင်းမြို့နယ်အတွင်းရှိ ဘာသာရေး၊ လူမှု့ရေး၊ ကျန်းမာရေး၊ ပညာရေး တို့တွင် တတ်စွမ်းသမျှ ကူညီဆောင်ရွက်ရန်။

၂။ ကျောက်ပန်းတောင်း သူ/ သားများ တစ်ဦးကိုတစ်ဦး မသိသူမရှိစေရန် (တစ်ဦးအခက်အခဲ တစ်ဦး ကူညီ ဖြေရှင်းပေးနိုင်ရန်)။

၃။ ကျောက်ပန်းတောင်းသူ/သားတို့၏ စည်းလုံးညီညွတ်ခြင်းစိတ်ဓါတ်ကို ဆက်လက်ထိမ်းသိမ်းရန်နှင့် အနာဂါတ်လူငယ်များ အတုယူနိုင်ရန်။

အထက်ပါ ရည်ရွယ်ချက်များ ဖွဲ့စည်း တည်ဆောက်ထားသော kyaukpadaung.com လာလည်ကြဖို့ ဘလော်ဂါ မိတ်ဆွေအပေါင်းတို့အား ဖိတ်ခေါ်အပ်ပါသည်။ ပန်သတင်းလေညှင်းဆောင် လူသတင်း လူချင်းဆောင် ဆိုသကဲ့သို့ တဆင့်စကားဆိုလို့ သတင်းကောင်း ပါးပေး ကြပါလို့ အသင်းကိုယ်စား ကျွန်တော် တောင်းဆိုချင်ပါတယ်ခင်ဗျာ။

ဆန်းဝင်း (ကျောက်ပန်းတောင်း)

ထန်းပင်ထန်းတောများထိန်းသိမ်းရန်လိုအပ်

လွန်ခဲ့တဲ့ နှစ်ပေါင်း ၅၀လောက်က မြန်မာနိုင်ငံ တစ်ဝန်းလုံးမှာ ထန်းပင်ပေါင်း နှစ်သန်းသုံးသိန်းကျော် ရှိတယ်လို့ စာရင်းများအရ သိရပါတယ်။ အခုချိန်မှာ တော့ ကျောက်ပန်းတောင်းမြို့နယ်အတွင်း ထန်းပင် ပေါင်း သုံးသိန်းကျော်နဲ့ တောင်သာ၊ မြင်းခြံနယ်ဘက် မှာလဲ သိန်းနဲ့ချီပြီး ထန်ပင်များရှိနေပါတယ်။ ကျောက်ပန်း တောင်းမြို့ကနေ နှစ်ကျပ်ခွဲကျေးရွာကို သဲလမ်း အတိုင်းသွားရင် ထန်းပင်ထန်းတော တွေကြားကနေ ဖြတ်သွားရတာ ကြည်နူးပျော်ရွှင်ဖွယ် ကောင်းလှပါတယ်။

သင်္ဘောသီးပင်၊ ကျွန်းပင်တွေလိုပဲ ထန်းပင် မှာလဲ အဖိုပင်နဲ့ အမပင်ဆိုပြီး ရှိပါတယ်။ အဖိုပင်ရဲ့ ထန်းနို့ကို လှီးရင် ထန်းရည်ချို ထွက်ပါတယ်။ ထန်းမပင် က အသီးသီးပါတယ်။ ထန်းမပင်ရဲ့ထန်းသီးခိုင်ကို ညှပ် နဲ့ညှပ်ပြီး ထန်းရည်ထုတ်ယူနိုင်ပါတယ်။ ထန်းပင်တစ် ပင်ဖြစ်ဖို့ ထန်းသီးစေ့ကို စိုက်ပျိုးရပြီး တစ်နှစ်ခန့်အ ကြာမှာ အပင်ပေါက်ကလေးဟာ မြေပေါ်ကို ထွက် လာပါတယ်။ တစ်နှစ်ကို တစ်ပေခန့်မြင့်တက်ပြီး သက် တမ်းဟာ နှစ် ၁၀၀ခန့်အထိရှိနိုင်ပါတယ်။ ထန်းပင်တွေ ဟာ ပူပြင်းခြောက်သွေ့တဲ့ အညာဒေသမှာ အများအပြား ပေါက်ရောက်ပြီး အောက်ဘက်ဒေသ ရန်ကုန် တိုင်း၊ ပဲခူးတိုင်း၊ ဧရာဝတီတိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်းဒေသတွေမှာလဲ ပေါက် ရောက်ပါတယ်။

ထန်းပင်ဟာ အကြမ်းပတမ်းခံနိုင်ရည်ရှိတဲ့ အပင် မျိုးပါ။ နာဂစ်လို လေပြင်းမုန်တိုင်းတိုက်တဲ့ဒဏ်ကို တောင် မပြိုမလဲဘဲ ကြံ့ကြံ့ခံနိုင်တဲ့ ပင်မျိုးပါ။ ထန်းပင် ဟာ ပေပင်၊ အုန်းပင်၊ ကွမ်းသီးပင်၊ စွန်ပလွံပင်တို့နဲ့ ရုက္ခဗေဒ မျိုးရင်းတူပါတယ်။ ထန်းရွက်နဲ့ ပေရွက်ဟာ လက်ဝါးပုံသဏ္ဌာန်ရှိပြီး အုန်းပင်၊ ကွမ်းသီးပင်၊ စွန် ပလွံပင်အရွက်များဟာ ငှက်မွေးပုံသဏ္ဌာန်ရှိပါတယ်။ ခွဲစိတ်တဲ့အခါ သစ်သားမထွက်ဘဲ ဖိုင်ဘာမျှင်တွေသာ ရှိပါတယ်။ ထန်းပင်မှ ထန်းရည်ချိုသာထွက်ပါတယ်။ ထန်းရည်ခါးအတွက် အချဉ်ပေါက်နေတဲ့ အလျင်အိုး နဲ့ခံမှသာ ထန်းရည်ခါးရရှိပါတယ်။

ထန်းရည်ချိုဟာ အစာကြေညက်စေတဲ့အတွက် ဆရာတော်ကြီးများ၊ သက်ကြီးရွယ်အိုများက ထမင်းစားပြီးတဲ့အခါ သောက် သုံးကြပါတယ်။ ထန်းရည်ခါးကတော့ ဆီးရွှင်စေပါ တယ်လို့ ယောမင်းကြီး ဦးဖိုးလှိုင်ရဲ့ ရသဓာတုကျမ်းမှာ ဖော်ပြထားပါတယ်။ ထန်းပင်တစ်ပင်လုံးဟာ လူသား များအတွက် အကျိုးပြုပါတယ်။ ထန်းပင်မြစ်ကို မီး ဖုတ်လို့ဖြစ်စေ၊ ပြုတ်လို့ဖြစ်စေ နှစ်ခြိုက်စွာ သုံးဆောင် နိုင်ပါတယ်။ ထန်းသီးဆန်နုနုကိုလဲ စားသုံးနိုင်ပါတယ်။ ထုတ်ထုတ်ထုတ်ထုတ်နဲ့ ကျောက်ကျောစားရသလိုပါ ပဲ။ ထန်းသီးရင့်မှည့်တဲ့အခါ ဖိုက်ဘာအမျှင်တွေကြား က ၀ါဝါအနှစ်ချိုချိုမွှေးမွှေးကို ဆန်မှုန့် နှစ်ရည်သကြား တို့နဲ့နယ်ပြီး ပေါင်းခံပြီး အုန်းသီးဖတ်ဖြူးပြီး ထန်းသီး မုန့်အဖြစ် စားနိုင်တယ်။

ထန်းရွက်ကို ဇာတာဖွဲ့ဖို့ ပြု လုပ်တယ်။ ထန်းဖူးကို ငါး၊ ငှက်ရုပ်ပြုလုပ်ပြီး ဘုရားပွဲ တော်တွေမှာ ရောင်းကြတယ်။
ထန်းဖူးကို ဘူးလေး တွေရက်ပြီး ထန်းလျက်ခဲ၊ မန်ကျည်းတော်ဖီ၊ ဆီးတော် ဖီထည့်ပြီးအမှတ်တရရောင်းတယ်။
ထန်းလက်ကို ကုလားထိုင်လုပ်တယ်။ ထန်းရွက်ကို အိမ်မိုးတယ်၊ ကာ တယ်။ ထန်းပင်စည်ကို အိမ်တိုင်၊ ထုတ်တန်း၊ ရက်မ၊ ကြမ်းခင်းအဖြစ် အိမ်ဆောက်ရာမှာ သုံးကြတယ်။ ထက် ခြမ်းခွဲပြီး ရေတံလျှောက်၊ နွား စားခွက်လဲ လုပ်နိုင်သေးတယ်။

ထန်းပင် ပင်စည်အောက်ပိုင်းကို နိုင်ငံခြား ပို့ကုန်အဖြစ် တင်ပို့ရောင်းချနေပါတယ်။ ထန်းပင်ကို ခုတ်လှဲပြီး နှစ်ရက်အတွင်း အချောသပ်ရွေပေါ်ထိုးပြီး ပေါ်လစ်အရောင်တင်ဆီသုတ်လိုက်ရင် အင်မတန်လှ ပါတယ်။ အမြင့် ခြောက်ပေ၊ ခုနစ်ပေလောက်အမြင့်ရဲ့ ထိပ်ဝကို အလယ်မှထွင်းပြီး ပန်းအိုးအဖြစ် ဟိုတယ်ကြီး တွေမှာ၊ အိမ်ခြံဝင်းမြက်ခင်းပြင်တွေမှာ အလှပန်းအိုး အဖြစ် တခမ်းတနားအသုံးပြုကြပါတယ်။ မန္တလေးမြို့ နဲ့ ရန်ကုန်က ကုန်သည်တွေ နိုင်ငံခြားကို တင်ပို့နေပါ တယ်။ ရန်ကုန်မြို့ကမ်း နားလမ်းက Strand Hotel က အမှတ်တရ လက် ဆောင်ပစ္စည်းပြခန်းမှာ ရောင်းနေပါတယ်။

ဟို-တစ်ခါတုန်း ဆီက အာရပ်နိုင်ငံတွေရဲ့ သဲကန္တာရထဲမှာ ခရီးသွား ကုန်သည်တွေဟာ ကုလားအုတ်စီး၍ တစ်နေကုန် ခရီး သွားခဲ့ရပြီး ညနေစောင်းမှ အိုအေစစ်လို့ ခေါ်တဲ့ စွန် ပလွံပင်တွေနဲ့ရေအိုင်ရှိတဲ့နေရာကို ရောက်တာပါ။ အခုအချိန်မှာတော့ ရေနံတွေ အကြီးအကျယ်ထုတ် လုပ်ရောင်းချနိုင်ပြီး နိုင်ငံခြားဝင်ငွေဘီလီယံ၊ ထရီလီ ယံပေါင်းများစွာ ကြွယ်ဝချမ်းသာလာတော့ နည်းပညာ အတတ်ပညာတွေနဲ့ပေါင်းစပ်ပြီး ဆာဟာရ သဲကန္တာရ ကို မြေတူးစက်ဘူဒိုဇာတွေနဲ့ တူး၊ အောက်ခြေကြမ်း ပြင်ကို ရေစိမ့်မထွက်အောင် ကတ္တရာတွေခင်းပြီး မြေ ပြန်ဖို့၊ ကျင်းတူးထားတဲ့နေရာမှာ အရွယ်ရောက်ပြီး သား စွန်ပလွံပင်တွေကို ထရပ်ကားနဲ့ သယ်လာပြီး ရေလောင်းစိုက်ပျိုးလိုက်တဲ့အခါ မိုင်ပေါင်းများစွာ ရှည်လျားတဲ့ စွန်ပလွံပင်တောကြီးဟာ သဲကန္တာရထဲမှာ ပေါ် ထွန်းလာခဲ့ပါတော့တယ်။

ဂေဟ ဗေဒ (Ecology) တစ်စတစ်စပျက်ယွင်းလာတဲ့ အခြေ အနေတွေကြောင့် ထန်းတောတွေကိုလဲ
ထိန်းသိမ်း စောင့်ရှောက်ဖို့လိုအပ်နေပါတယ်။ သဘာဝသစ်တော တွေဟာ ရာသီဥတုအတွက် အင်မတန် အရေးပါတာ ကို လူသားတွေ သိလာနေပါပြီ။ ကျောက်ပန်းတောင်း မြို့နယ် ပတ်ဝန်းကျင် ဒေသစိမ်းလန်း စိုပြည်စေဖို့ ဂျပန် နိုင်ငံနဲ့ ကိုရီးယားနိုင်ငံတို့ကအကူအညီ တွေပေးလျက် ရှိနေပါတယ်။ Forest Resource Environment Development and Conservation Association(FREDA) အဖွဲ့အစည်းကလဲ အားကြိုးမာန်တက် ဆောင်ရွက်နေကြပါတယ်။

အောင်ကျည်စိုးမြင့် ရေးသားသော “မြို့ပြကျေးလက်နဲ့ မိုးမျှော်ဟိုတယ်ထန်းတော” မှ ထုတ်နှုတ်ယူသည်။

စဉ်းစားမိခြင်း။ ။ အညာဒေသက ယောင်္ကျားသားများ မလေးရှား၊ ကာတာ၊ ဒူဘိုင်း၊ စင်္ကာပူစသော ပြည်ပနိုင်ငံ များသို့ အလုပ်လုပ် ထွက်ကြတဲ့အခါ ထန်းတက်သူဦးရေ နည်းပါးလာတယ်။ ကျေးလက်တွင် အသုံးပြုရန် ကျွန်း၊ ပျဉ်းကတိုး စသော သစ်များ ရှားပါးချိန်တွင် အိမ်၊ နွးတင်းကုတ် များစောက်ရန် ထန်းကို မျက်စိကျနေပါတယ်။ ခေတ်ကာလအရ ထန်းထွက်ကုန် ဈေးနှုန်း မ၇တာကြောင့် ရှေးယခင်ကလို ထန်းတောကို မွေးမြူကာ ထန်းလုပ်ငန်း လုပ်ခြင်း နည်းသွားတာလဲ အမှန်ပါ။ ဆိုတော့.. အဘိုးတို့ခေတ်က ဒီနှစ်တော့ ထန်း ၁၀၀ စိုက်မယ် ဆိုပြီး မိုးကျတာနဲ့ ယာကန်သင်းမှာ ဒါမှမဟုတ် လိုချင်တဲ့နေရာမှာ စိုက်ကြပါတယ်။ ယနေ့ခေတ်မှာတော့ အဲလို စိုက်တာ မရှိတော့ပါဘူး။ လူဦးရေ တိုးလာခြင်းသာရှိပြီး ရှိလက်စ ထန်းတောများလဲ ယာမြေ အဖြစ် ပြောင်းသွား တတ်ကြပါတယ်။ ထပ်မံစိုက်ပျိုးခြင်းမရှိပဲ အလေ့ကျ ပေါက်လောက်သာရှိနေတော့ ကြာလာရင် မလွယ်ပါဘူး။

ဆိုတော့ကား...ထန်းပင် ထန်းတောများ ထိန်းသိမ်းနိုင်ဖို့ .. ကမ္ဘာကြီး ပူနွေးလာခြင်း စသော ရာသီဥတုနဲ့ ပတ်သက်တဲ့ ဗဟုသုတ ဟောပြောပွဲများ ကျေးလက်ဒေသထိ ဆင်းကာ ပြုလုပ်သင့်တယ်လို့ မြင်ပါတယ်။

ဆန်းဝင်း (ကျောက်ပန်းတောင်း)

ဒီနေ့

ဒီနေ့
သမိုင်းဝင်နေ့ ။

မနှစ်က ဒီနေ့အတွက် ပိုစ် တယ်ဖူးတယ် ဒီမှာပေါ့။

ဘာလို့ သမိုင်းဝင်နေ့ ဖြစ်ရတာလဲ သိချင် ဒီမှာဖတ်ပါ။

ယနေ့ နေမင်းသည် နွမ်းလျှနေ၏။ ယနေ့ လေပြေညှင်းသည်လဲ နွမ်းလျှနေ၏။ မိုးရွာရန် တိမ်မရှိပါ။

အဖော်အချွတ်ဆိုဒ်များအတွက်နေရာ

အင်တာနက်တွင် လွှင့်တင်ထားသော ညစ်ညမ်းဝက်ဘ်ဆိုက်၊ အဖော်အချွတ် ၀က်ဘ်ဆိုက်အားလုံးအတွက် သီးသန့် Domain သတ်မှတ်ပေးတော့မည်ဟု တာဝန်ရှိသူများက အတည်ပြုလိုက်သည်။ လက်ရှိအချိန်တွင် .com၊ .co.uk စသည့် Domainများ ယူထားသော အဆိုပါ ၀က်ဘ်ဆိုက်များကို .xxxအဖြစ် ပြောင်းလဲ သတ်မှတ် ပေးသွားမည်ဟု သိရသည်။ ဗြိတိန်နိုင်ငံက ယင်းအမျိုးအစား ၀က်ဘ်ဆိုက်ပေါင်း (၁၁၀၀၀၀) ကျော်၏ လက်ရှိအသုံးပြုနေသော Domain များကို (၂၀၁၁)ခုနှစ်တွင် စတင်ပိတ်ပင်သွားမည်ဖြစ်ပြီး .xxx အဖြစ်သာ ခွင့်ပြုတော့မည်ဟု ဆိုသည်။ သို့သော်လည်း ဝေဖန်သူများက ယင်းလုပ်ရပ်သည် ၀က်ဘ်ဆိုက်များ၏ ရပ်တည်မှု လွတ်လပ်ခွင့်အား ထိပါးခြင်းဖြစ်ကြောင်း ဝေဖန်ခဲ့ပြီး ကလေးငယ်များအနေနှင့်လည်း ယင်းကဲ့သို့ ညစ်ညမ်း ၀က်ဘ်ဆိုက်များကို ရွေးချယ်ရန် လွယ်ကူသွားစေနိုင်ကြောင်း ထောက်ပြခဲ့ကြသည်။ သို့သော်လည်း ဗြိတိန်ရှိ အင်တာနက် လုံခြုံမှု စောင့်ကြည့်ရေးအဖွဲ့ Medaiwatch မှ ဗီယန်နာ ပက်တီဆန်က ညစ်ညမ်းဝက်ဘ်ဆိုက် အတော်များများသို့ ၀င်လိုက်သည့်အခါတိုင်း အသက်(၁၈)နှစ်အထက် ဟုတ်မဟုတ် အတည်ပြုခိုင်းသည့် Button ပါရှိခြင်းကြောင့် ယင်းက ကလေးများဝင် မကြည့်ရန် တားဆီးရေးအတွက် အဓိပ္ပါယ်ရှိသည့် လုပ်ဆောင် ချက်အဖြစ် သတ်မှတ်ထားနိုင်ပြီးဖြစ်ကြောင်း ပြောကြားသွားသည်။ .xxxဖြင့် Domainအမည်များ သတ်မှတ် ပေးမှုကို အင်တာနက် ၀က်ဘ်ဆိုက်Domainများ တရားဝင် အမည်သတ်မှတ်ပေးသော အဖွဲ့ကြီး ICANNက ဆောင်ရွက်ပေးမည်ဖြစ်သည်။ လေ့လာသူများက အင်တာနက် Domainအမည် ရောင်းချသော ကုမ္ပဏီများ သည် ၀က်ဘ်ဆိုက်ပေါင်း (၅၀၀၀၀၀)ကျော်အတွက် ပေါင်စတာလင် သန်း(၂၀)မျှ ရရှိနိုင်မည်ဟု ခန့်မှန်း ထားသည်။ စစ်တမ်းများအရ ကမ္ဘာတ၀ှမ်းတွင် လွှင့်တင်ထားသည့် ယင်းကဲ့သို့ ၀က်ဘ်ဆိုက်မျိုး သန်း(၃၇၀)ကျော်ရှိကြောင်း သိရှိရသည်။

မူရင်းသတင်း ပလန်းနက် ဒေါ့ကွန်း။