မနက်ကြီးက အိပ်ယာထ နောက်ကျတယ်။
အခန်းမှာ လူကုန်သွားမှ လူးလှိမ့်ထကာ အလုပ်သွားဖို့ အမြန်လှုပ်ရှားပြင်ဆင်ရတယ်။
ဝုန်း ခနဲ အခန်းတခါးကို ပိတ်လို့ အပြေးဆင်းခဲ့တယ်။ ကံကောင်းလို့ ဖယ်ရီမှိတယ်။
အလုပ်ရောက် ကွန်ပျူတာဖွင့် သတင်းပလင်းဖတ် ဒါက နေ့စဉ် နိစ္စဓူဝ။
ဆန်းဝင်း (ကျောက်ပန်းတောင်း) ဘလော့ဂ်ကို ဖွင့်မရတာ ကြာပြီ။ စိတ်လဲ မလန်းတာနဲ့ ဘာမှ မလုပ်ဖြစ်ဘူး။
ဖွင့်ကြည့်ပြီး စိတ်လေတယ်။ ဒါတောင် အရဲစွန့်ဖွင့်တာ။ ကိုယ့်ဘလော့ကိုယ်ဖွင့်တာနဲ့ ကွန်ပျူတာပဲ ပျက်တော့မလို ဂူဂဲက သတိပေးစာမျက်နှာ ကြောင့်ပါ။ ကွန်မင့်တွေ အကုန်ဖျက်လိုက်တယ်။ လင့်ချိတ်ထားတာတွေလဲ ဖျက်လိုက်တယ်။ အဆုံးခံလိုက်တော့မယ် စိတ်ကူးသေးတယ်။ တချို့သော ပိုစ်များက ကျောက်ပန်းတောင်းဆိုဒ်မှာ ကော်ပီ ကူးထားသေးတယ်။ ကျန်တာတွေက ပေါက်ကရတွေ။
ပေါက်တတ်ကရ ရေးပေမယ့် ၂၀၀၈ တည်းက ရှိနေတဲ့ ပိုစ်လေးတွေ နှမြောနေပြန်ရော။
ဒီနေ့မှ စိတ်ကူးပေါက်ကာ ကိုယ့်ဘလော့ဂ် ကိုယ်ပြန်ဖွင့်ကြည့်တော့ အိုကေနေတယ်။
ဒါနဲ့ နည်းနည်း ပြင်လိုက်တယ်။
ဆန်းဝင်း (ကျောက်ပန်းတောင်း) ပြန်လည် အသက်ဆက်ရှင်သန်နေလို့ ဒီနေ့ ဝမ်းသာပီတိ ဖြစ်မိတယ်။
နှစ်သစ်မှာ မင်္ဂလာပါ။ တကယ့်ကို မင်္ဂလာပါပဲ။
လမ်းကြုံ လမ်းမှား ဖြစ်ဖြစ် တမင်တကာ ဖြစ်ဖြစ် လာလည်သူ မိတ်ဆွေများ ကျေးဇူးတင်ပါကြောင်း။
အားလုံး နှစ်သစ်မှာ ပျော်ရွှင်ချမ်းမြေ့ပါစေ။
No comments:
Post a Comment